Ziz 2:4 - Labib An Kreol Seselwa

⁴ Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Ziz 2:4 ပူးပေါင်းရင်းမြစ်များ

Esdras 10:1

Letan Esdras ti pe priye e konfes son pese an pleran devan tanp Bondye, en gran lafoul dimoun: Zonm, fanm, ek zanfan sorti parmi pep Izrael antye, ti rasanble otour li, e zot ti plere asodlarm.

Proverb 17:10

En repros i annan plis lefe lo en zonm entelizan, ki san koudbaton lo en fou.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Levanzil dapre Lik 6:21

Byennere bann ki lafen aprezan, akoz zot pou rasazye. Byennere bann ki pe plere konmela, akoz zot pou riye!

Levanzil dapre Lik 7:38

I ti debout deryer Zezi, kot son lipye. I ti plere e avek son larm, i ti mouy lipye Zezi e i ti eswiy avek son seve. I ti anbras son lipye e vers lesans lo la.

2 Korentyen 7:10

Annefe, latristes ki dapre plan Bondye, i prodwi repantans ki donn delivrans, san ki nou bezwen regrete. Me latristes ki vin akoz bann traka lemonn, i prodwi lanmor.

Let Zak 4:9

Rekonnet zot lanmizer, plere e lamante! Sanz zot sourir an pler, zot lazwa an tristes.

Ziz 2:3

Alor mon ti dir: Mon pa pou sas zot devan ou; zot ava viv parmi zot e zot bann bondye ava vin en pyez pour zot.”

Ziz 2:5

Zot ti apel sa landrwa Bokim, savedir Plere, e zot ti ofer bann sakrifis SENYER, lanmenm la.

1 Samyel 11:4

Kan bann mesaze ti ariv Gibea kot Sail ti reste, zot ti raport sa nouvel avek lepep e tou dimoun ti plere.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.