Ziz 2:3 - Labib An Kreol Seselwa

³ Alor mon ti dir: Mon pa pou sas zot devan ou; zot ava viv parmi zot e zot bann bondye ava vin en pyez pour zot.”

Ziz 2:3 ပူးပေါင်းရင်းမြစ်များ

Psonm 106:36

Zot ti ador zot bann zidol ki ti vin en latrap pour zot.

Egzod 23:33

Zot pa pou reste dan ou pei, pangar zot ava fer ou fer pese kont mwan. Annefe, ou riske ador zot bann bondye, e sa pou en latrap pour ou.

Egzod 34:12

Fer sir ou pa fer okenn lalyans avek bann zabitan sa pei kot ou pe ale. Sa i kapab vin en pyez pour ou.

Nonm 33:55

Me si zot pa sas bann zabitan sa pei, alor, sa bann ki reste deryer pou vin en zegwir dan zot lizye e en pikan dan zot ledo. Zot pou trakas ou dan sa pei kot ou pe al reste.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Zozye 23:13

zot ava war ki SENYER, zot Bondye, pa pou kontinyen sas sa bann nasyon devan zot. Zot ava vin en latrap, en pyez, en roten ki pou fwet zot lo zot ledo, e bann pikan dan zot lizye, ziska ki zot ava disparet lo sa bon later ki SENYER, zot Bondye in donn zot.

Ziz 2:21

Mwan osi, mon pa pou sas ankor devan zot, okenn nasyon ki Zozye ti kite avan son lanmor.”

Ziz 2:4

Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Ziz 3:6

Zot ti marye avek zot bann fiy e marye zot fiy avek zot bann garson; zot ti servi zot bann bondye.

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.