Ziz 2:2 - Labib An Kreol Seselwa

² Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?

Ziz 2:2 ပူးပေါင်းရင်းမြစ်များ

Zenez 12:18

Faraon ti fer apel Abranm. I ti dir li, “Ki ou'n fer mwan? Akoz ou pa ti dir mwan ki Sarai i ou fanm?

Zenez 4:10

SENYER ti dir, “Ki ou'n fer? Disan ou frer pe kriy ver mwan depi later.

Egzod 32:21

Moiz ti dir Aaron, “Ki sa pep in fer ou, pour ki ou'n fer en tel gran pese tonm lo li?”

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Zozye 9:7

Me bann Izraelit ti reponn sa bann Hivit, “Petet zot reste parmi nou. Dan sa ka, ki mannyer nou kapab fer en lalyans avek zot?”

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?

Ziz 2:20

SENYER ti ankoler kont bann Izraelit. I ti dir, “Akoz sa nasyon pa'n respekte mon lalyans, sa lalyans ki mon ti'n fer avek zot bann zanset, me ki zot pa'n ekout mwan.

Ziz 6:10

Mon ti dir zot: Mwan menm SENYER zot Bondye. Zot pa devre per bann bondye bann Amorit kot zot pe reste. Me zot pa ti ekout mwan.”

Ziz 6:8

SENYER ti anvoy zot en profet ki ti dir zot, “La sa ki SENYER Bondye Izrael i deklare: Mon'n fer zot monte depi Lezip e mon'n fer zot sorti dan pei lesklavaz.

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.