Ziz 2:19 - Labib An Kreol Seselwa

¹⁹ Me ler bann ziz ti mor, zot ti rekonmans vin koronpi, plis ki zot bann zanset. Zot ti swiv lezot bondye, servi zot e prostern devan zot; zot pa ti renons zot bann move mannyer viv.

Ziz 2:19 ပူးပေါင်းရင်းမြစ်များ

Zenez 6:11

Bondye ti konstate ki later ti'n koronpi e ranpli avek vyolans.

Nehemi 9:28

Me, deswit apre ki zot ti'n ganny en pe repo, zot ti rekonmans fer sa ki mal devan ou. Alor, ou ti abandonn zot dan lanmen zot bann lennmi, ki ti domin lo zot. Me ler zot ti kriy ver ou ankor, depi lesyel, ou ti antann zot. Dan ou gran konpasyon, ou ti delivre zot plizyer fwa.

Psonm 78:8

Alor, zot pa pou devre fer parey zot bann zanset ki ti en zenerasyon rebel e dezobeisan, ki zanmen ti vreman met zot konfyans dan Bondye. Zot lespri pa ti fidel avek Bondye.

Egzod 32:7

SENYER ti dir Moiz, “Desann toudswit. Sa pep ki ou ti fer sorti Lezip in koronpi.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Ezekyel 20:30

Alor, dir pep Izrael: La sa ki Senyer BONDYE i deklare: Pa bezwen rann zot enpir parey zot bann zanset, e livre zot dan prostitisyon avek zot bann zidol degoutan.

Matye 23:32

Dan sa ka alor, fini sa ki zot zanset in konmanse!

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Zozye 24:31

Izrael ti servi SENYER tou dilon lavi Zozye, e tou dilon lavi bann ansyen ki ti reste vivan apre Zozye e ki ti konn tou bann mervey ki SENYER ti'n fer an faver Izrael.

Ziz 10:13

Me zot, zot in abandonn mwan e zot in al servi lezot bondye. Pour sa rezon, mon pa pou delivre zot ankor.

Ziz 2:18

Kan SENYER ti donn zot bann ziz, i ti avek bann ziz. Tan ki ti annan bann ziz, SENYER ti delivre zot dan lanmen zot bann lennmi. Annefe, SENYER ti pran pitye pour zot devan bann kit i pe zot maltret zot.

Ziz 2:20

SENYER ti ankoler kont bann Izraelit. I ti dir, “Akoz sa nasyon pa'n respekte mon lalyans, sa lalyans ki mon ti'n fer avek zot bann zanset, me ki zot pa'n ekout mwan.

Ziz 2:7

Lepep ti servi SENYER toultan ki Zozye ti vivan e toultan ki bann ansyen ti viv ankor apre Zozye, zot ki ti'n war sa gran mervey ki SENYER ti'n akonpli pour pep Izrael.

Ziz 4:1

Apre lanmor Ehoud, bann Izraelit ti rekonmans fer sa ki pa ti fer plezir SENYER.

Ziz 8:33

Me apre lanmor Zedeon, pep Izrael ti rekonmans prostitye avek bann Baal; zot ti pran Baal-Berit koman bondye.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”