Ziz 2:14 - Labib An Kreol Seselwa

¹⁴ SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 2:14 ပူးပေါင်းရင်းမြစ်များ

2 Samyel 24:1

SENYER ti pran lakoler kont Izrael. I ti pous David pour fer zot ditor. I ti dir li: Al fer resansman Izrael ek Zida.

2 Samyel 7:11

Depi zour ki mon ti etabli bann ziz lo Izrael, mon pep, mon'n donn ou en repo e delivre ou avek ou bann lennmi. Aprezan, SENYER in anons ou: Mwan SENYER ki pou etabli en desandans pour ou.

2 Rwa 13:3

SENYER ti ankoler avek Izrael; i ti toultan livre zot dan lanmen Azael, lerwa Lasiri, e dan lanmen Benn-Hadad, garson Azael.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

2 Kronik 15:5

Dan sa lepok, dimoun pa ti kapab deplas an sekirite. Ti annan en kantite dezord partou dan bann pei.

2 Kronik 28:5

Alor, SENYER son Bondye ti livre li dan lanmen lerwa Siri. Bann Siriyen ti bat li e pran en kantite prizonnyen ki ti ganny anmennen Damas. Akaz ti tonm osi dan lanmen lerwa Izrael ki ti donn li en bon bate.

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Nehemi 9:27

Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Psonm 44:11

Ou'n livre nou parey bann mouton pour labatwar. Ou'n dispers nou parmi lezot nasyon.

Psonm 44:12

Ou'n vann ou pep pour nanryen, san fer okenn profi.

Ezai 42:24

Lekel ki'n livre Zakob avek sa ki pe depouy li e Izrael avek bann voler? Eski pa kont SENYER ki nou'n fer pese? Zot pa'n oule swiv son semen, ni obei son bann komannman.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Zeremi 37:10

Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Levitik 26:37

Zot pou tonm enn lo lot, konmsi zot pe sove devan lennmi, san ki personn pe pourswiv zot. Zot pa pou annan lafors pour reziste kont bann lennmi.

Nonm 32:13

SENYER ti ankoler kont pep Izrael e ti fer zot vir vire dan dezer pandan 40 an, ziska ki sa zenerasyon ki pa ti oule obei SENYER ti'n disparet.

Nonm 32:14

Aprezan, zot desandan sa bann zonm peser, zot oule swiv legzanp zot zanset? Zot pare pour fer lakoler SENYER tonm pli for lo pep Izrael?

Deterononm 28:20

SENYER pou anvoy kont ou malediksyon, lafreyer ek fristrasyon dan tou sa ki ou ava esey antreprann, ziska ki ou ava ganny detri e disparet konpletman, akoz ou bann move aksyon, akoz ou'n abandonn mwan.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Ziz 1:19

SENYER ti avek Zida ki ti pran posesyon rezyon montanny; me zot pa ti kapab deposed bann zabitan rezyon laplenn, akoz ti annan tro bokou kales lager an fer.

Ziz 1:34

Bann Amorit ti repous tribi Dann dan rezyon montanny; zot pa ti les li desann dan laplenn.

Ziz 10:7

SENYER ti ankoler kont Izrael. I ti livre zot dan lanmen bann Filisten ek bann Amonit,

Ziz 2:20

SENYER ti ankoler kont bann Izraelit. I ti dir, “Akoz sa nasyon pa'n respekte mon lalyans, sa lalyans ki mon ti'n fer avek zot bann zanset, me ki zot pa'n ekout mwan.

Ziz 3:12

Pep Izrael ti rekonmans fer bann aksyon ki ti depler SENYER. Akoz Izrael ti pe mal fer, SENYER ti ankouraz Eglonn, lerwa Moab, pour azir kont zot.

Ziz 4:2

Alor, SENYER ti vann zot avek Yavin, lerwa Kanaan, ki ti renny Asor. Sisera ti son sef larme. I ti pe reste Haroset-Goim.