Ziz 2:13 - Labib An Kreol Seselwa

¹³ Zot ti abandonn SENYER e al servi bann Baal ek bann Astarte.

Ziz 2:13 ပူးပေါင်းရင်းမြစ်များ

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

1 Rwa 11:5

Salomon ti al ador Astarte, en bondye bann Sidonit, ek Milkonm, bondye degoutan bann Amonit.

2 Rwa 23:13

Lerwa ti rann enpir bann landrwa sakre ki ti dan Les Zerizalenm, dan Sid montanny Destriksyon ki Salomon, lerwa Izrael, ti konstri pour Astarte. Sa ti en pratik degoutan bann Sidonit pour Kemos, Moab e pour Milkonm. Sa ti en pratik degoutan bann Amonit.

2 Kronik 12:2

Dan senkyenm lannen ki Roboanm ti lerwa, Sisak, lerwa Lezip, ti atak Zerizalenm, akoz Izrael pa ti'n reste fidel anver SENYER.

2 Kronik 28:3

I ti bril sakrifis dan Vale Inonm e menm bril son bann garson dan dife, koman sakrifis. I ti swiv bann pratik degoutan bann nasyon ki SENYER ti'n pouse pour fer plas pour pep Izrael.

2 Kronik 33:3

I ti rekonstri bann landrwa sakre ki son papa Ezekyas ti'n detri e retabli bann lotel pour ladorasyon bann Baal. I ti remet an plas bann poto Asera e ador bann zetwal dan lesyel.

2 Kronik 7:22

Dimoun pou reponn: Akoz zot in abandonn SENYER, Bondye zot zanset ki ti tir zot dan Lezip. Zot in al ver lezot bondye ki zot ti adore e servi. Pour sa rezon ki Bondye in fer tou sa bann maler tonm lot zot.

Psonm 106:36

Zot ti ador zot bann zidol ki ti vin en latrap pour zot.

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Nonm 25:3

Konmsa, ki Izrael ti ador Baal-Peor e SENYER ti ankoler kont zot.

1 Korentyen 8:5

Menm si i annan en kantite swadizan bondye, swa dan lesyel oubyen lo later (annefe, i annan bokou bondye e bokou senyer),

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

Ziz 2:11

Bann Izraelit ti fer sa ki depler SENYER e zot ti al ador bann Baal.

Ziz 3:7

Pep Izrael ti fer sa ki depler SENYER: Zot ti oubliy SENYER zot Bondye pour al ador bann Baal ek bann Asera.

1 Samyel 12:10

Zot ti kriy ver SENYER: Nou'n fer pese, nou'n abandonn SENYER e nou'n servi bann Baal ek bann Astarte. Aprezan, delivre nou dan lanmen nou bann lennmi e nou ava servi ou.

1 Samyel 31:10

Zot ti depoz bann zarm Sail dan tanp Astarte, e kros son kadav anpandan avek miray Bet-Seann.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”