Ziz 2:1 - Labib An Kreol Seselwa

¹ Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

Ziz 2:1 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 16:13

Alor, Agar ti apel SENYER ki ti'n koz avek li, “Ou, ou El-Roi, sa Bondye ki war mwan. Mon demande, si mon'n war Sa Enn ki war mwan?”

Zenez 48:16

Mon demande ki sa lanz ki'n delivre mwan dan tou mal, i beni sa de garson. Atraver zot, mon non pa pou ganny oubliye, ensi ki non mon zanset Abrahanm ek Izaak; zot ava vin en gran pep lo later.

Psonm 89:3

Ou'n deklare: Mon'n fer en lalyans avek sa enn ki mon'n swazir; mon'n promet David mon serviter:

Psonm 89:34

Mon pa pou kas mon lalyans. Mon pa pou sanz parol ki'n sorti dan mon labous.

Egzod 14:14

SENYER pou lager pour zot. Zot, zis reste trankil.”

Egzod 14:19

Lanz Bondye ki ti pe mars devan kan bann Izraelit, ti al plas li par deryer. Kolonn nyaz ti sorti devan e plas li deryer zot.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 23:20

Mon pe anvoy en lanz devan ou, pour li gard ou lo semen e pour li anmenn ou dan sa landrwa ki mon'n prepare pour ou.

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Zeremi 14:21

Akoz ou promes, pa mepriz nou. Pa anmenn dezoner lo Zerizalenm, la kot tronn ou laglwar i'n ganny etabli. Pa kas sa lalyans ki ou ti fer avek nou.

Levitik 26:42

alor, mon ava rapel mon lalyans avek Zakob. Mon ava osi rapel mon lalyans avek Izaak e avek Abrahanm e mon ava mazin pei.

Levitik 26:44

Malgre tousala, mon pa pou rezet zot, ni ay zot e detri zot konpletman, ni kas mon lalyans avek zot, ler zot ava dan pei zot lennmi. Annefe, mwan menm SENYER zot Bondye.

Zakari 11:10

Mon ti pran mon baton Faver e mon ti kas li. Konmsa, mon ti kas lalyans ki mon ti'n fer avek tou bann pep.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Nonm 14:34

Zot pou soufer konsekans zot pese pandan 40 an, en lannen pour sak zour ki zot ti eksplor sa pei. Zot ava konn mon mekontantman.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Zozye 3:10

Zozye ti dir: La ki mannyer zot ava konnen ki Bondye vivan i parmi zot, e ki i pou sas bann Kananeen, bann Hitit, bann Hivit, bann Perizit, bann Girgasit, bann Amorit e bann Zebizit devan zot.

Ziz 11:24

Pa ou annan pei ki Kemos, ou bondye in donn ou? Akoz nou, nou pa pou gard posesyon tou sa ki SENYER nou Bondye in donn nou?

Ziz 13:2

Ti annan en zonm sorti Sorea, dan tribi Dann. I ti apel Manoa. Son fanm ti steril; i pa ti kapab ganny zanfan.

Ziz 13:3

Mesaze SENYER ti aparet avek sa fanm. I ti dir li, “Ou ki steril e ki pa'n ganny zanfan, ou pou tonm ansent e ou pou ganny en garson.

Ziz 2:5

Zot ti apel sa landrwa Bokim, savedir Plere, e zot ti ofer bann sakrifis SENYER, lanmenm la.

Ziz 6:8

SENYER ti anvoy zot en profet ki ti dir zot, “La sa ki SENYER Bondye Izrael i deklare: Mon'n fer zot monte depi Lezip e mon'n fer zot sorti dan pei lesklavaz.