Ziz 19:2 - Labib An Kreol Seselwa

² Me sa fanm ti tronp li. I ti kit li e retourn kot son papa, ki ti reste Betlehenm dan Zida, kot i ti reste pandan kat mwan.

Ziz 19:2 ပူးပေါင်းရင်းမြစ်များ

Ezekyel 16:28

Ou ti osi abandonn ou avek bann Asiriyen akoz ou pa ti'n ankor satisfer ou pasyon. Ou ti livre ou lekor avek zot, me la ankor ou pa ti satisfe.

Levitik 21:9

Ler fiy en pret i dezonor li dan prostitisyon, i pe dezonor son papa. I ava ganny brile vivan.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Ziz 17:7

Ti annan en zennonm sorti Betlehenm, en lavil dan Zida. I ti en levit sorti dan tribi Zida. I ti pe reste la koman en etranze.

Ziz 19:1

Dan sa letan, ti napa lerwa dan Izrael. En levit ki ti pe reste koman en etranze dan en kwen perdi dan rezyon montanny Efraim, ti pran en menazer, en fanm sorti Betlehenm, dan Zida.

Ziz 19:3

Son mari ti deside al rod li pour persiad li retourn avek li. I ti'n anmenn avek li son serviter ek de bourik. Sa fanm ti fer li antre dan lakaz son papa. Ler son papa ti war li, i ti byen akey li.