Ziz 19:10 - Labib An Kreol Seselwa

¹⁰ Me sa zonm pa ti oule pas lannwit la. I ti leve e i ti ale. I ti ariv devan Zebis, setadir Zerizalenm avek son de bourik sarze e avek son menazer.

Ziz 19:10 ပူးပေါင်းရင်းမြစ်များ

2 Samyel 5:6

Avek son bann zonm, lerwa ti sorti kont Zerizalenm pour en latak kont bann Zebizit, bann zabitan sa rezyon. Zot ti dir David, “Ou pa pou antre isi; menm bann aveg ek bann ki bwete pou anpes ou.” Zot ti oule dir par la, ki David pa pou zanmen kapab kaptir sa lavil.

Zozye 15:63

Me Tribi Zida pa ti reisi sas bann Zebizit ki ti reste Zerizalenm. Pour sa rezon, bann Zebizit pe viv akote bann fanmir Zida.

Zozye 15:8

Frontyer ti mont par vale garson Hinonm, lo kote lapant Sid bann Zebizit, setadir Zerizalenm. Apre, frontyer ti mont ziska latet montanny ki devan vale Hinonm dan Was, e lo bordir Nor avek vale bann Refait.

Zozye 18:28

Sela, Elef, lavil bann Zebizit, setadir Zerizalenm, Gibea, e Kiryat-Yearim. An tou, 14 lavil avek son bann vilaz. Tousala ti patrimwann bann fanmir Benzamen, dapre zot bann klan.

Ziz 1:8

Bann zonm tribi Zida ti atak Zerizalenm ki zot ti pran. Zot ti masakre bann zabitan e met dife dan lavil.

Ziz 19:9

Sa zonm ti leve pour li ale avek son menazer ek son serviter. Me son boper, papa sa zenn fanm ti dir li, “Lazournen pe fini, aswar pe fer; pas lannwit isi. Lazournen pe fini, pas lannwit isi; kontinyen anmiz ou. Demen zot ava lev granmaten pour pran larout e ou ava retourn kot ou.”