Ziz 17:6 - Labib An Kreol Seselwa

⁶ Dan sa lepok, ti napa okenn lerwa dan Izrael; sakenn ti fer sa ki i ti anvi.

Ziz 17:6 ပူးပေါင်းရင်းမြစ်များ

Zenez 36:31

La bann lerwa ki ti renny dan pei Edonm, avan ki okenn lerwa ti renny lo bann Izraelit:

Psonm 12:4

Nou konn koze, nou pli for; personn pa fer nou per.

Proverb 12:15

En fou i krwar ki li tousel ki annan rezon; me sa enn ki saz i ekout konsey.

Proverb 14:12

En semen i kapab paret drwat pour en zonm; me apre, i en semen ki kondwir ver lanmor.

Proverb 16:2

Zonm i krwar touzour ki i byen azir; me SENYER ki egzamin fon leker.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Deterononm 12:8

Zot pa pou azir parey nou pe fer isi ozordi, kot sakenn pe fer sa ki i anvi.

Deterononm 33:5

Kan bann sef lepep ti rasanble avek bann tribi Izrael, SENYER ti zot lerwa dan Yesouroun.

Ziz 18:1

Dan sa lepok, ti napa lerwa dan Izrael. Dan sa menm lepok, tribi Dann ti pe rod en teritwar pour reste. Annefe, ziska aprezan, i pa ti'n ganny okenn teritwar koman par, parmi bann tribi Izrael.

Ziz 19:1

Dan sa letan, ti napa lerwa dan Izrael. En levit ki ti pe reste koman en etranze dan en kwen perdi dan rezyon montanny Efraim, ti pran en menazer, en fanm sorti Betlehenm, dan Zida.

Ziz 21:25

Dan sa lepok, ti napa lerwa dan Izrael. Sakenn ti fer sa ki i ti oule.

Ziz 21:3

“SENYER Bondye! Akoz en tel maler in ariv dan Izrael? Akoz ozordi i mank en tribi dan Izrael?”