Ziz 16:9 - Labib An Kreol Seselwa

⁹ Dalila ti kasyet bann Filisten dan son lasanm. Dalila ti dir li, “Sanmson! Bann Filisten pe vin atak ou.” Sanmson ti kas bann lakord parey en kordon letoup ki'n brile dan dife. Konmsa, sekre son lafors pa ti ganny devwale.

Ziz 16:9 ပူးပေါင်းရင်းမြစ်များ

Psonm 58:9

Avan ki dife lapay i tous marmit, zot ava ganny balye dan tourbiyon son lakoler, avan ki manze dan marmit i ganny letan kwi!

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.

Ziz 16:10

Dalila ti dir Sanmson, “Ou'n esey tronp mwan; ou'n manti avek mwan. Aprezan, mon sipliy ou: Dir mwan avek kwa fodre anmar ou.”

Ziz 16:7

Sanmson ti reponn li, “Si mon ganny anmare avek set lakord fles ankor fre, ki pa ankor sek, mon pou perdi mon lafors e vin parey tou dimoun.”

Ziz 16:8

Bann sef Filisten ti fer anmenn set lakord fles fre ki pa ti ankor sek, e Dalila ti anmar Sanmson.