Ziz 16:7 - Labib An Kreol Seselwa

⁷ Sanmson ti reponn li, “Si mon ganny anmare avek set lakord fles ankor fre, ki pa ankor sek, mon pou perdi mon lafors e vin parey tou dimoun.”

Ziz 16:7 ပူးပေါင်းရင်းမြစ်များ

Proverb 12:19

Laverite i touzour valab, me mansonz pa dir lontan.

Proverb 17:7

Mannyer koze en fou i vilger, ankor mwens, en dirizan ki koz lalang.

Romen 3:8

Alor, akoz nou pa dir parey serten i akiz nou: Annou fer sa ki mal pour fer sorti dibyen! Sa bann dimoun, zot merit ganny kondannen.

Galat 6:7

Pa bezwen tronp ou lekor: Personn pa kapab provok Bondye. Dimoun i rekolte sa ki i'n senmen.

Kolosyen 3:9

Pa koz manti ant zot, akoz zot in abandonn zot vye natir avek son bann move pratik.

Ziz 16:10

Dalila ti dir Sanmson, “Ou'n esey tronp mwan; ou'n manti avek mwan. Aprezan, mon sipliy ou: Dir mwan avek kwa fodre anmar ou.”

Ziz 16:6

Dalila ti demann Sanmson, “Dir mwan, kote ou ganny sa gran lafors e avek kwa fodre anmar ou pour kapab kontrol ou?”

Ziz 16:8

Bann sef Filisten ti fer anmenn set lakord fles fre ki pa ti ankor sek, e Dalila ti anmar Sanmson.

Ziz 16:9

Dalila ti kasyet bann Filisten dan son lasanm. Dalila ti dir li, “Sanmson! Bann Filisten pe vin atak ou.” Sanmson ti kas bann lakord parey en kordon letoup ki'n brile dan dife. Konmsa, sekre son lafors pa ti ganny devwale.

1 Samyel 19:17

Sail ti dir Mikal, “Akoz ou'n tronp mwan konmsa? Akoz ou'n les mon lennmi ale e les li sap mwan?” Mikal ti reponn, “David ti dir mwan: Si ou pa les mwan ale, mon pou touy ou.”

1 Samyel 27:10

Ler Akis ti demann David, kote i'n al fer bann latak ozordi? David ti reponn: Dan en rezyon Zida, dan Negev; oubyen: Dan en rezyon Yerameel; oubyen ankor: Dan rezyon bann Kainit.