Ziz 16:4 - Labib An Kreol Seselwa

⁴ Apre, Sanmson ti tonm anmoure avek en fanm sorti dan vale Sorek. Sa fanm ti apel Dalila.

Ziz 16:4 ပူးပေါင်းရင်းမြစ်များ

1 Rwa 11:1

An plis ki fiy Faraon, lerwa Salomon ti kontan bokou fanm etranze: Bann fanm Moabit, Amonit, Edomit, Sidonit ek Hitit,

Nehemi 13:26

Konmsa menm ki Salomon, lerwa Izrael ti fer pese. Ti napa okenn lerwa parey li parmi tou sa kantite nasyon. Son Bondye ti kontan li, e Bondye ti'n etabli li koman lerwa lo Izrael antye. Sepandan, bann fanm etranze ti osi trenn li dan pese.

Proverb 22:14

Labous en fanm devergonde i parey en lafos profon; sa enn ki SENYER i rezete i tonm ladan.

Proverb 23:27

En prostitye i en fose profon; en fanm adilter i en pwi etrwat.

Proverb 26:11

En fou ki repet son betiz, i parey en lisyen ki retourn kot son vomi.

Proverb 27:22

Menm si ou kraz en fou dan en pilon, avek bann lagrenn, son lafoli pa pou separe avek li.

1 Korentyen 10:6

Sa ki'n arive, i servi koman legzanp pour nou, pour ki nou pa ganny bann move dezir parey zot.

Ziz 16:3

Sanmson ti dormi ziska dan milye lannwit. Ver minwi i ti leve. I ti pran sa de batan laport lavil; i ti aras son de montan avek son verou, met lo son zepol e anmenn lo latet montanny ki anfas avek Hebron.

Ziz 16:5

Bann sef Filisten ti al war li. Zot ti dir li, “Anmyel li pour konnen kote i ganny sa gran lafors e ki mannyer nou ava kapab kontrol li. Nou ava anmar li pour dont li e ganny kontrol lo li; nou ava donn ou sakenn 1,100 pyes larzan.”