Ziz 16:30 - Labib An Kreol Seselwa

³⁰ Sanmson ti dir, “Tanpi si mon mor, mon ava mor ansanm avek bann Filisten!” I ti apiy avek tou son lafors e batiman ti tonm lo bann sef Filisten e lo tou dimoun ki ti la. I ti touy plis dimoun ki i ti'n touye dan son lavi.

Ziz 16:30 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Liv Zob 20:5

boner bann malfeter pa dire; e ki lazwa en malfeter i kourt?

Liv Zob 31:3

Dezas pa i tonm lo sa enn ki enzis e problenm lo bann malfeter?

Psonm 62:3

Ziska kan zot pou antoure pour atak en dimoun? Eski zot oule zet li parey en miray ki pre pour tonbe, oubyen en baraz ki'n kabannen?

Eklezyas 9:12

Annefe, zonm pa konn zour son maler plis ki en pwason dan lasenn oubyen en zwazo dan latrap. Parey zot, maler i tonm lo imen san ki i pe atann.

Matye 16:25

Sa enn ki oule sov son lavi, pou perdi li. Me sa enn ki perdi son lavi akoz mwan, i ava retrouv li.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

Filipyen 2:30

Annefe, se akoz misyon Kris ki i ti pre pour mor. I'n riske son lavi pour li donn mwan led ki zot pa ti kapab donnen.

Filipyen 2:8

I ti abes li e vin obeisan ziska lanmor, menm lanmor lo en lakrwa.

Kolosyen 2:15

Bondye in debaras li avek pouvwar bann lotorite ek pwisans bann lespri. In fer en spektak piblik avek zot dan laviktwar son Garson.

1 Tesalonisyen 5:2

Zot konnen zot menm, ki zour Senyer pou ariv koman en voler dan lannwit.

Ziz 14:19

Alor, lespri SENYER ti desann lo li, e Sanmson ti desann Askelonn. I ti touy 30 zonm, depouy e donn bann lenz lafet avek sa bann ki ti'n eksplik sa zedmo. I ti remont kot son papa byen ankoler.

Ziz 15:15

I ti war lanmaswar en bourik ankor fre; i ti avans son lanmen e pran sa lanmaswar. I ti touy 1,000 zonm avek.

Ziz 15:8

I ti bat zot e touy en kantite zot. Apre, i ti desann e al reste Etanm, dan en kavern ros.

Ziz 16:29

Sanmson ti tat sa de kolonn milye, ki tanp ti repoz lo la. I ti apiy kont zot, enn avek son lanmen drwat e lot avek son lanmen gos.

Ziz 16:31

Son bann frer ek tou son fanmir, ti vin pran son lekor. Zot ti remonte e anter li ant Sorea ek Estaol, dan latonm Manoa son papa. I ti ziz dan Izrael pandan 20 an.