Ziz 16:24 - Labib An Kreol Seselwa

²⁴ Ler lepep ti war Sanmson, zot ti selebre devan zot bondye. Zot ti dir, “Nou bondye in livre nou lennmi dan nou lanmen; sa enn ki ti pe devaste nou pei e ki ti pe touy en kantite parmi nou.”

Ziz 16:24 ပူးပေါင်းရင်းမြစ်များ

Danyel 5:4

Zot ti bwar diven e loue bann bondye annor e annarzan, an bronz e an fer, an bwa e an ros.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Ezekyel 20:14

Pourtan, mon'n azir avek konsiderasyon pour mon loner, pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

1 Kronik 10:9

Zot ti depouy li e anmenn son latet ek son bann zarm. Zot ti anvoy mesaze atraver pei Filisten pour fann sa bon nouvel parmi zot bann zidol e parmi lepep.

1 Samyel 31:9

Zot ti koup latet Sail, e pran son bann zarm. Apre, zot ti anvoy bann mesaze atraver pei Filisten, anons sa nouvel dan tou bann tanp zot bondye etranze e parmi popilasyon.

Ziz 15:16

Sanmson ti dir, “Avek lanmaswar en bourik, en bourik parmi bann bourik, avek lanmaswar en bourik, mon'n touy 1,000 zonm.”

Ziz 15:8

I ti bat zot e touy en kantite zot. Apre, i ti desann e al reste Etanm, dan en kavern ros.

Deterononm 32:27

Me mon ti per provokasyon lennmi. Zot bann ladverser ava riske mal konpran e dir: Nou lanmen ki pwisan pa SENYER ki'n fer tousala.

Ziz 16:25

Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.