Ziz 16:21 - Labib An Kreol Seselwa

²¹ Bann Filisten ti atrap li e krev son lizye. Zot ti anmenn li Gaza e anmar li avek lasenn an bronz. Zot ti fer li tourn en gro ros moulen dan prizon.

Ziz 16:21 ပူးပေါင်းရင်းမြစ်များ

2 Rwa 25:7

Zot ti egorz bann garson Sedesyas devan son lizye. Apre, zot ti krev son lizye, atas li avek lasenn an bronz e anmenn li Babilonn.

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

Psonm 149:8

pour atas bann lerwa avek lasenn e zot bann sef avek bann lasenn an fer;

Egzod 11:5

tou premye ne dan Lezip pou mor: Depi premye ne Faraon ki asize lo son tronn, ziska premye ne sa fanm lesklav ki travay dan moulen, e osi, tou premye ne dan troupo.

Proverb 14:14

Sa enn ki viv nenport koman, ava ganny sa ki i merite. En bon dimoun ava ganny sa ki i merite.

Proverb 2:19

Tou dimoun ki al kot li pa zanmen retournen, ni retrouv semen lavi.

Proverb 5:22

Malfeter i ganny pri dan son prop latrap. Lasenn son pese i anpay li.

Ezai 47:2

Pran en ros, kraz lagrenn, prepar lafarin. Tir ou vwal, lev ou rob, montre ou lazanm pour ou travers bann larivyer.

Zeremi 39:7

Apre, i ti fer krev lizye Sedesyas, fer atas li avek lasenn an bronz e fer anmenn li Babilonn.

Lamantasyon 5:13

Bann zennzan in ganny abize dan moulen; Bann garson i tonbe anba pwa pake dibwa.

Nonm 16:14

Ou pa'n anmenn nou dan en pei kot i koul dile ek dimyel. Ou pa'n donn nou an leritaz bann plantasyon legim, bann plantasyon rezen. Eski ou krwar ki sa bann zonm pa war kler? Non, nou pa pe vini.

Matye 24:41

Lo de fanm ki pe kraz legren ansanm, enn pou ganny anmennen e lot pou ganny kite.

Ziz 16:20

Dalila ti dir li, “Sanmson! Bann Filisten pe vin atak ou.” I ti leve dan son sonmey. I ti dir, “Mon pou sape parey lezot fwa.” I pa ti konnen ki SENYER ti nepli avek li.

Ziz 16:22

Me, apre ki zot ti'n raz son latet, seve Sanmson ti rekonmans pouse.