Ziz 16:20 - Labib An Kreol Seselwa

²⁰ Dalila ti dir li, “Sanmson! Bann Filisten pe vin atak ou.” I ti leve dan son sonmey. I ti dir, “Mon pou sape parey lezot fwa.” I pa ti konnen ki SENYER ti nepli avek li.

Ziz 16:20 ပူးပေါင်းရင်းမြစ်များ

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

Ezai 42:24

Lekel ki'n livre Zakob avek sa ki pe depouy li e Izrael avek bann voler? Eski pa kont SENYER ki nou'n fer pese? Zot pa'n oule swiv son semen, ni obei son bann komannman.

Oze 7:9

Bann etranze i sis son lafors, san ki i konnen. Lavyeyes in akapar li, san ki i remarke.

Nonm 14:9

Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Matye 17:16

Mon'n anmenn li kot ou bann disip, me zot pa'n kapab geri li.”

Matye 17:20

Zezi ti reponn zot, “Akoz zot lafwa i feb. An realite, mon dir zot, sa i laverite: Si zot annan lafwa groser en lagrenn moutard, zot ava kapab dir avek sa montanny: Ale, sanz plas; al laba! I pou ale. Napa nanryen ki pou enposib pour zot.

2 Korentyen 3:5

Annefe, nou pa kapab pretann akonplir en tel tas par nou menm. Sa ki nou kapab fer i sorti kot Bondye.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Zozye 7:12

Pour sa rezon, Izrael pou nepli kapab fer fas avek son bann lennmi. Zot pou taye devan zot lennmi, akoz zot osi, zot pou ganny detri! Mon pou nepli avek zot, si zot pa fer disparet parmi zot, sa bann lobze ki ti devre ganny detri.

Ziz 16:14

Dalila ti fer li dormi, e ti tres set latres e atas zot avek en penny. Apre, i ti dir li, “Sanmson! Bann Filisten pe vin atak ou.” Alor, Sanmson ti leve dan son sonmey e i ti aras sa penny, son masin latwal avek lasenn.

Ziz 16:19

I ti fer dormi Sanmson lo son zenou. Apre, i ti apel en zonm ki ti raz sa set latres seve. Alor, i ti afebli. I ti perdi son lafors.

Ziz 16:21

Bann Filisten ti atrap li e krev son lizye. Zot ti anmenn li Gaza e anmar li avek lasenn an bronz. Zot ti fer li tourn en gro ros moulen dan prizon.

Ziz 16:3

Sanmson ti dormi ziska dan milye lannwit. Ver minwi i ti leve. I ti pran sa de batan laport lavil; i ti aras son de montan avek son verou, met lo son zepol e anmenn lo latet montanny ki anfas avek Hebron.

Ziz 16:9

Dalila ti kasyet bann Filisten dan son lasanm. Dalila ti dir li, “Sanmson! Bann Filisten pe vin atak ou.” Sanmson ti kas bann lakord parey en kordon letoup ki'n brile dan dife. Konmsa, sekre son lafors pa ti ganny devwale.

1 Samyel 16:14

Lespri SENYER ti kit Sail e SENYER ti anvoy en move lespri pour tourmant li.

1 Samyel 18:10

Lannmen, Bondye ti anvoy en move lespri pran kontrol Sail. Sail ti konmans rabase dan milye son lakaz. David ti pe zwe laarp parey lezot zour. Sail ti annan son lans dan son lanmen.

1 Samyel 18:12

Sail ti per David akoz SENYER ti avek David e i ti'n abandonn Sail.