Ziz 16:17 - Labib An Kreol Seselwa

¹⁷ I ti ouver son leker avek li, “Razwar pa'n zanmen pas lo mon latet, akoz mon'n ganny konsakre pour Bondye depi dan vant mon manman. Si mon ti raz mon latet, mon ti pou perdi mon lafors e vin feb parey tou dimoun.”

Ziz 16:17 ပူးပေါင်းရင်းမြစ်များ

Proverb 12:23

En dimoun pridan i kasyet sa ki i konnen; me en fou i dir en ta betiz.

Proverb 13:3

Sa enn ki vey lo parol ki i dir, i protez son lavi. Sa enn ki koz tro bokou, pou konn larin.

Proverb 29:12

Kan en sef i ekout bann mansonz, tou son bann travayer pou vin malonnet.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Nonm 6:2

Dir avek pep Izrael: Ler en zonm oubyen en fanm i fer ve en Nazireen e konsakre li pour SENYER,

Nonm 6:5

Pandan tou letan son ve, i pa devre raz son latet ziska ler son letan konsekrasyon avek SENYER i terminen. I pou en dimoun sen, e i ava les son seve pouse.

Akt de Zapot 18:18

Pol ti reste ankor ase lontan Korent. Apre, i ti kit bann frer pour anbark avek Akila ek Prisil pour al Siri. Letan i ti Sankre, Pol ti raz son latet akoz i ti'n fer en ve.

Ziz 13:5

Annefe, ou pou tonm ansent e ganny en garson. Razwar pa pou pas lo son latet, akoz sa garson pou ganny konsakre pour Bondye depi dan vant son manman. I pou delivre Izrael dan lanmen bann Filisten.”

Ziz 16:16

Afors ganny tourmante tou le zour par bann parol Dalila, Sanmson ti perdi pasyans.

Ziz 16:18

Ler i ti konpran ki Sanmson ti'n dir li tou son sekre, Dalila ti apel bann sef Filisten. I ti dir zot, “Vini! Safwasi i'n devwal tou son sekre avek mwan.” Bann sef Filisten ti mont kot li avek larzan.