Ziz 14:4 - Labib An Kreol Seselwa

⁴ Son papa ek son manman pa ti konnen ki sa ti sorti kot SENYER. Annefe, i ti pe rod preteks pour li atak bann Filisten. Dan sa letan, bann Filisten ti pe domin Izrael.

Ziz 14:4 ပူးပေါင်းရင်းမြစ်များ

1 Rwa 12:15

Alor, lerwa pa ti ekout sa ki lepep ti annan pour dir, akoz SENYER ti'n fer bann levennman tourn konmsa, pour fer son parol realize, parey SENYER ti'n dir avek Zeroboanm, garson Nebat par Silonit Ahiya.

1 Rwa 12:24

la sa ki SENYER i deklare: Zot pa pou monte pour al lager. Zot pa pou lager kont zot bann frer. Sakenn retourn se zot, akoz se mwan ki'n fer sa arive.” Zot ti obei parol SENYER, e zot ti retourn se zot parey SENYER ti'n dir.

2 Rwa 6:33

I ti ankor pe koz avek zot, ler sa mesaze ti ariv kot li. I ti dir li, “Sa maler i sorti kot SENYER! Ki mon kapab ankor espere sorti kot SENYER?”

2 Kronik 10:15

Alor, lerwa pa ti ekout sa ki lepep ti annan pour dir. Bondye ti'n fer bann levennman tourn konmsa pour fer realize parol ki SENYER ti'n dir avek Zeroboanm, garson Nebat, par Ahiya, en Silonit.

2 Kronik 22:7

Bondye ti fer sa vizit kot Yoranm vin maler pour Akazya. Annefe, de ki Akazya ti arive ansanm avek Yoranm zot ti al zwenn Zehou, garson Nimsi. SENYER ti'n konsakre Zehou koman lerwa pour detri fanmir Akab.

2 Kronik 25:20

Amasya pa ti pran kont sa mesaz. Annefe, Bondye ti oule livre li dan lanmen son bann lennmi, akoz i ti'n al ver bann bondye Edomit.

Psonm 115:3

Nou Bondye i dan lesyel; i fer tou sa ki fer li plezir.

Danyel 6:4

Alor, sa bann sef ek bann gouverner ti rod fason pour akiz Danyel lo size zafer leta. Me, zot pa ti trouv nanryen kont li pour kapab akiz li, ni neglizans, ni okenn fot; i ti en zonm konfyans, san defo.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Zozye 11:20

Annefe, SENYER ti'n andirsi zot leker pou fer lager kont Izrael, pour ki Izrael ava kapab masakre zot san pitye, e detri zot konpletman, parey SENYER ti'n ordonn Moiz.

Ziz 13:1

Bann Izraelit ti rekonmans fer sa ki pa ti fer plezir SENYER. SENYER ti livre zot dan lanmen bann Filisten pandan 40 an.

Ziz 14:5

Sanmson ti desann Timna avek son papa ek son manman. Ler zot ti pre kot plantasyon rezen Timna, en zenn lyon ti vin devan li avek fraka.

Ziz 15:11

300 zonm Zida ti desann kot kavern Etanm. Zot ti dir Sanmson, “Ou pa konnen ki bann Filisten in vin nou met? Ki ou'n fer nou la?” I ti reponn zot, “Mon'n tret zot parey zot in tret mwan.”

Ziz 15:3

Sanmson ti dir zot, “Safwasi mon pa pou koupab anver bann Filisten si mon fer zot dimal.”