Ziz 13:8 - Labib An Kreol Seselwa

⁸ Alor, Manao ti enplor SENYER, “Mon sipliy SENYER! Fer sa mesaze Bondye ki ou'n anvoye, retourn kot nou, pour li ansenny nou sa ki nou devre fer pour sa zanfan ki pou ne.”

Ziz 13:8 ပူးပေါင်းရင်းမြစ်များ

Liv Zob 34:32

Montre mwan sa ki mon pa ankor war. Si mon'n komet lenzistis, mon pa pou fer ankor.

Akt de Zapot 9:6

Me leve, al dan lavil e la, ou ava ganny dir tou sa ki ou annan pour fer.

Ziz 13:11

Manoa ti leve, i ti swiv son fanm; zot ti ariv kot sa zonm ti ete. I ti demann li, “Ou menm sa zonm ki'n koz avek sa fanm?” Sa zonm ti reponn, “Wi! Mwan menm.”

Ziz 13:3

Mesaze SENYER ti aparet avek sa fanm. I ti dir li, “Ou ki steril e ki pa'n ganny zanfan, ou pou tonm ansent e ou pou ganny en garson.

Ziz 13:6

Sa fanm ti al dir son mari, “En mesaze Bondye in vin war mwan; i ti parey en lanz Bondye; i ti efreyan. Mon pa ti demann li kote i sorti e i pa'n dir mwan son non.

Ziz 13:7

Me i ti dir mwan: Ou pou tonm ansent e ou pou ganny en garson. Dezormen, pa bwar ni diven ni okenn labwason for; pa manz nanryen ki enpir, akoz sa zanfan pou ganny konsakre pour Bondye depi dan vant son manman, ziska son lanmor.”

Ziz 13:9

Bondye ti antann Manao e mesaze Bondye ti retourn kot sa fanm. I ti pe asiz dan plantasyon, me Manoa, son mari, pa ti avek li.