Ziz 13:23 - Labib An Kreol Seselwa

²³ Son fanm ti dir li, “Si SENYER ti oule nou lanmor, i pa ti ava'n aksepte nou sakrifis konplet ek nou lofrann vezetal. I pa ti ava'n fer nou war tousala, e i pa ti ava'n fer nou antann tousala.”

Ziz 13:23 ပူးပေါင်းရင်းမြစ်များ

Psonm 20:4

I ava akord ou sa ki ou leker i dezire e realiz tou ou bann plan.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Psonm 27:13

Mon sir ki mon pou war labonte SENYER lo sa later kot nou pe viv.

Psonm 86:17

Montre mwan en siny ou labonte. Fer mon bann lennmi war e zot ava onte, akoz ou, SENYER, ou'n vin sekour mwan e ou'n konsol mwan.

Proverb 3:32

akoz SENYER i deteste sa enn ki fourb; me i partaz son bann sekre avek sa enn ki drwat.

Levanzil dapre Zan 14:20

Sa zour, zot ava konnen ki mwan, mon dan mon Papa e zot, zot dan mwan, parey ki mwan mon dan zot.

Levanzil dapre Zan 14:23

Zezi ti reponn, “Sa enn ki kontan mwan, pou obei mon bann parol. Mon Papa pou kontan li. Nou pou vin kot li e nou pou reste avek li.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

1 Korentyen 12:21

Lizye pa kapab dir avek lanmen: Mon pa bezwen ou! Ni latet pa kapab dir avek lipye: Mon pa bezwen zot!

Ziz 13:24

Fanm Manoa ti donn nesans en garson ki i ti apel Sanmson. Sa zanfan ti grandi e SENYER ti beni li.