Ziz 12:3 - Labib An Kreol Seselwa

³ Ler mon ti war ki zot pa pe vin delivre mwan, mon ti riske mon lavi: Mon ti al atak bann Amonit. SENYER ti livre zot dan mon lanmen. Akoz ozordi, zot in mont kont mwan pour atak mwan?”

Ziz 12:3 ပူးပေါင်းရင်းမြစ်များ

2 Kronik 13:12

Bondye li menm i nou sef. Son bann pret avek zot tronpet i pare pour soufle lapel lager kont zot. Pep Izrael! Pa bezwen lager kont SENYER, Bondye zot zanset; zot pa pou ganny laviktwar.

Liv Zob 13:14

Mon'n pare pour tou, ziska riske mon lavi.

Psonm 119:109

Mon lavi i touzour an danze; me mon pa oubliy ou lalwa.

Romen 16:4

Zot in riske zot prop lavi pour sov sa ki pour mwan. Pa zis mwan tousel ki rekonesan anver zot, me osi tou bann Legliz dan lemonn non-Zwif.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Ziz 11:27

Mwan, mon pa'n fer ou okenn ditor; ou ki'n mal azir anver mwan e ou'n vin atak mwan. SENYER ki Ziz. Ozordi, i ava vin ziz ant bann Izraelit ek bann Amonit.”

Ziz 12:2

Zefte ti reponn zot, “Mon pep e mwan menm, nou ti dan en gran konfli avek bann Amonit. Ler mon ti apel zot, zot pa ti vin sov mwan.

Ziz 12:4

Apre, Zefte ti rasanble tou bann zonm dan Galaad pour al atak Efraim. Bann zonm Galaad ti bat Efraim ki ti'n dir, “Zabitan Galaad! Zot zis en bann dimoun ki'n sove, sorti dan bann tribi Efraim ek Manase.”

Ziz 9:17

Pa oubliye ki mon papa in konbat pour zot, in ekspoz son lavi lo fron batay e in delivre zot dan lanmen bann Madianit.

1 Samyel 19:5

I ti riske son lavi e i ti touy sa Filisten; SENYER ti donn Izrael antye en gran laviktwar. Ou ti war, e ou ti rezouir. Akoz ou oule fer pese e vers disan inosan? Akoz ou oule fer David mor san rezon?”

1 Samyel 28:21

Ler sa fanm ti vin get Sail e remarke ki i ti dan en gran lafreyer, i ti dir li, “Ou servant in obei ou. Mon'n riske mon lavi pour fer tou sa ki ou'n demann mwan.