David ti santi son leker bate, apre ki i ti'n fer resansman lepep. I ti dir SENYER, “Mon'n komet en gran pese par fer sa resansman. Aprezan, SENYER, mon demann ou pardonn mwan pour sa fot ki mwan ou serviter, mon'n komet, akoz mon'n azir koman en fou.”
David ti reponn Gad, “Mon dan en gran detres. Mon demann ou les nou tonm dan lanmen SENYER, akoz i annan gran konpasyon; me ki mon pa tonm dan lanmen zonm.”
Zot ti kriy ver SENYER: Nou'n fer pese, nou'n abandonn SENYER e nou'n servi bann Baal ek bann Astarte. Aprezan, delivre nou dan lanmen nou bann lennmi e nou ava servi ou.
Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.