Ziz 1:7 - Labib An Kreol Seselwa

⁷ Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

Ziz 1:7 ပူးပေါင်းရင်းမြစ်များ

1 Rwa 21:19

Dir li: La sa ki SENYER i deklare: La kot lisyen i'n lis disan Nabot, zot pou osi lis ou prop disan.”

Egzod 29:20

Ou ava egorz sa mouton. Ou ava pran en pe son disan ki ou ava met lo bout zorey drwat Aaron ek bout zorey drwat son bann garson. Ou ava osi met en pe disan lo pous zot lanmen drwat e lo gro pous zot lipye drwat. Avek leres sa disan, ou ava asperz toultour lotel.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Sofoni 3:19

Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Romen 2:15

Par zot konportman, zot montre ki lalwa in ekri dan zot leker. Zot konsyans i montre ki sa i vre, e zot lespri osi i akiz zot kan zot fer sa ki mal e defann zot kan zot fer sa ki byen.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Ziz 1:6

Adoni-Bezek ti sove, me zot ti pourswiv li; e ler zot ti atrap li, zot ti koup son pous lanmen ek lipye.

Ziz 9:24

Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Ziz 9:57

Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.

1 Samyel 15:33

Samyel ti dir, “Parey ou lepe in priv bann fanm zot zanfan, ou manman osi i ava san zanfan parmi sa bann fanm.” Samyel ti koup Agag an morso devan SENYER, dan Gilgal.