Ziz 1:34 - Labib An Kreol Seselwa

³⁴ Bann Amorit ti repous tribi Dann dan rezyon montanny; zot pa ti les li desann dan laplenn.

Ziz 1:34 ပူးပေါင်းရင်းမြစ်များ

Zozye 19:47

Ler bann desandan tribi Dann ti perdi zot teritwar, zot ti al atak Lesenm ki zot ti kaptire e masakre son bann zabitan; zot ti pran posesyon sa lavil kot zot ti enstal zot e apel li Dann, dapre non zot zanset Dann.

Ziz 1:33

Neftali pa ti sas ni bann zabitan Bet-Semes, ni bann zabitan Bet-Anat. Zot ti enstal zot parmi bann Kananeen ki ti pe reste dan sa pei kot zot pa ti'n ganny sase.

Ziz 1:35

Bann Amorit ti kontinyen reste Har-Heres, Ayalonn ek Saalbim; me zot ti ganny met anba travoforse kan tribi Zozef ti vin pwisan.

Ziz 18:1

Dan sa lepok, ti napa lerwa dan Izrael. Dan sa menm lepok, tribi Dann ti pe rod en teritwar pour reste. Annefe, ziska aprezan, i pa ti'n ganny okenn teritwar koman par, parmi bann tribi Izrael.