Ziz 1:23 - Labib An Kreol Seselwa

²³ Tribi Zozef ti anvoy bann zonm pour eksplor Betel, ki avan, ti apel Louz.

Ziz 1:23 ပူးပေါင်းရင်းမြစ်များ

Zenez 28:19

I ti apel sa landrwa Betel. Sa landrwa ti apel Louz avan.

Zenez 35:6

Zakob ti ariv Louz, setadir Betel, dan pei Kanaan, ansanm avek tou bann dimoun ki ti avek li.

Zenez 48:3

Zakob ti dir Zozef, “Bondye Toupwisan in aparet avek mwan Louz, dan pei Kanaan e in beni mwan.

Zozye 16:1

Teritwar bann fanmir tribi Zozef ti pran depi larivyer Zourden, anfas avek Zeriko, dan direksyon Les, ver sours delo Zeriko. Sa ti dezer ki mont depi Zeriko ver montanny Betel.

Zozye 16:2

I ti kontinyen depi Betel dan direksyon Louz, pas par Atarot, ver frontyer avek bann Arkit.

Zozye 18:13

Depi la, frontyer ti pas dan Sid, dan direksyon Louz, savedir Betel. Answit, frontyer ti desann ziska Atrot-Adar, lo sa montanny ki Sid avek Bet-Horonn.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Zozye 7:2

Depi Zeriko, Zozye ti anvoy detrwa zonm dan lavil Ai ki pros avek Bet-Aven, Les ek lavil Betel. I ti dir zot, “Monte, al espyonn sa pei.” Bann zonm ti al espyonn lavil Ai.

Ziz 1:22

Tribi Zozef osi ti al atak Betel e SENYER ti avek zot.

Ziz 18:2

Bann Danit ti anvoy parmi zot klan, senk zonm vayan parmi zot, sorti Sorea ek Estaol, pour al eksplor pei e fer konnesans avek. Bann Danit ti dir zot, “Al eksplor pei.” Zot ti ariv dan rezyon montanny Efraim kot zot ti pas lannwit, pre avek lakaz Mise.