Ziz 1:21 - Labib An Kreol Seselwa

²¹ Me bann Benzamit pa ti kapab sas bann Zebizit ki ti pe reste Zerizalenm. Pour sa rezon ki ziska ozordi, bann Zebizit in reste Zerizalenm avek bann Benzamit.

Ziz 1:21 ပူးပေါင်းရင်းမြစ်များ

1 Rwa 9:21

tou zot bann desandan ki ti'n reste e ki pep Izrael pa ti'n detri, Salomon ti fer zot fer travay latas koman lesklav; se sa ki zot ete ziska ozordi.

1 Kronik 1:14

bann Zebizit, bann Amorit, bann Girgasit,

1 Kronik 11:4

David avek pep Izrael antye ti al Zerizalenm ki ti osi apel Zebis, kot bann Zebizit ti reste.

1 Kronik 8:28

Sa i bann sef fanmir, dapre zot zenerasyon. Zot ti reste Zerizalenm.

2 Kronik 8:8

desandan bann zabitan ki ti reste dan pei e ki Izrael pa ti detri, Salomon ti met zot anba travoforse. Zot bann desandan i ankor lesklav ziska ozordi.

Psonm 106:34

Zot pa ti detri bann pep parey SENYER ti'n donn zot lord.

Zozye 15:63

Me Tribi Zida pa ti reisi sas bann Zebizit ki ti reste Zerizalenm. Pour sa rezon, bann Zebizit pe viv akote bann fanmir Zida.

Ziz 1:22

Tribi Zozef osi ti al atak Betel e SENYER ti avek zot.

Ziz 1:27

Tribi Manase pa ti kaptir ni Bet-Seann, ni Taanak, ni bann zabitan Dor, ni bann zabitan Megido avek zot bann vilaz.

Ziz 1:8

Bann zonm tribi Zida ti atak Zerizalenm ki zot ti pran. Zot ti masakre bann zabitan e met dife dan lavil.