Zeremi 9:9 - Labib An Kreol Seselwa

⁹ Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Zeremi 9:9 ပူးပေါင်းရင်းမြစ်များ

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 4:25

Mon ti gete: Mon pa ti war okenn zabitan, e tou bann zwazo ti'n sove.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zoel 1:19

Ver ou SENYER, mon pe kriye, zerb ek pye dibwa in sek partou, konmsi en laflanm dife ki'n bril tou.

Amos 5:1

Ekout sa parol, sa kantik dey ki mon pe sant lo ou, Izrael:

Amos 5:2

Izrael, sa zenn fiy vyerz, in tonbe e personn pa pou lev li! I'n tale ater dan son pei; napa personn pour lev li.