Zeremi 9:8 - Labib An Kreol Seselwa

⁸ Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Zeremi 9:8 ပူးပေါင်းရင်းမြစ်များ

2 Samyel 3:27

Ler Abner ti arive sorti Hebron, Zoab ti anmenn li alekar, anndan baro lavil, pour koz an prive avek li. Pour vanz lanmor son frer Asael, Zoab ti pik Abner dan son vant, e i ti mor.

Psonm 12:2

Dimoun i koz manti avek kanmarad. Zot flat avek zot labous, me zot leker pa senser.

Psonm 12:3

SENYER! Elimin bann flater ek sa bann gran labous ki dir:

Psonm 120:3

Ki i pou donn ou, ki en lalang tronper pour donn ou an plis?

Psonm 28:3

Pa trenn mwan ansanm avek bann malfeter, ni avek bann ki fer sa ki mal, ki koz lape avek zot vwazen, me zot leker i ranpli avek mesanste.

Psonm 35:20

Zanmen zot koz pour fer lape. O kontrer, zot envant en bann kalonmni kont bann zabitan trankil sa pei.

Psonm 55:21

Son parol i pli dou ki dimyel; me i annan lager dan son leker. Son bann parol ti glise, parey delwil; me an realite, zot ti koman en pwannyar.

Psonm 57:4

Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

Psonm 62:5

Zis Bondye ki fer mwan konn trankilite, akoz mon'n met mon lespwar dan li.

Psonm 64:8

Zot prop parol pou fer zot tonbe. Dimoun ki war zot i balans latet.

Proverb 25:18

En zonm ki donn fo temwannyaz kont son prosen, i anmenmtan en gro baton, en lepe ek en fles pwent.

Zeremi 5:26

Parmi mon pep, i annan bann ki koupab. Zot parey bann saser zwazo. Zot tal zot lasenn e veye, zot kasyet pour zot atrap dimoun.

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Zeremi 9:4

Sakenn i bezwen mefye son zanmi. Personn napa konfyans dan son frer, parey Zakob, sak frer i en manter. Zot tou, zot dir dimal lo zot prosen.

Zeremi 9:5

Zot tou, zot tronp zot prosen. Personn pa dir laverite. Zot in byen egzers zot lalang pour koz manti. Zanmen zot pou arete.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.