Zeremi 9:7 - Labib An Kreol Seselwa

⁷ Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Zeremi 9:7 ပူးပေါင်းရင်းမြစ်များ

2 Samyel 13:26

Absalon ti dir, “Mon demann ou les omwen mon frer Amnon vin avek nou.” Lerwa ti demann li, “Akoz fodre i vin kot ou?”

2 Kronik 36:15

SENYER, Bondye zot zanset, ti konstaman anvoy son bann mesaze kot zot, akoz i ti pran pitye pour zot e pour son tanp kot i reste.

Psonm 120:4

I ava pini ou avek bann dart lager, fite anba labrez bon dibwa.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Psonm 62:5

Zis Bondye ki fer mwan konn trankilite, akoz mon'n met mon lespwar dan li.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Ezai 48:10

Gete! Mon'n pirifye ou dan dife, pa parey larzan i ganny pirifye, me mon'n fer ou pas dan dife lafliksyon.

Ezai 59:3

Annefe, zot annan disan lo zot lanmen; zot ledwa i sal avek pese. Zot labous i koz lalang; zot lalang i mirmir lenzistis.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 6:27

Zeremi! Mon'n met ou parmi mon pep, pour ou teste li, parey en travayer i teste metal.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Malasi 3:3

Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

1 Pyer 4:12

Mon bann zanmi! Pa bezwen etonnen par bann gran soufrans ki zot pe pas ladan. Napa nanryen ekstraordiner dan sa ki pe ariv zot.