Zeremi 9:5 - Labib An Kreol Seselwa

⁵ Zot tou, zot tronp zot prosen. Personn pa dir laverite. Zot in byen egzers zot lalang pour koz manti. Zanmen zot pou arete.

Zeremi 9:5 ပူးပေါင်းရင်းမြစ်များ

Zenez 19:11

Kanta sa bann zonm ki ti devan laport, depi pli pti ziska pli gran, ti vin aveg. Personn pa ti kapab trouv laport.

Liv Zob 11:3

Eski ou bavardaz pou anpes dimoun koze? Eski dimoun pou kapab ekout ou gognarde san reponn?

Liv Zob 15:5

Ou tor i kontrol ou labous. Ou bann parol i fourb.

Psonm 140:3

Zot lalang i pwent parey lalang en serpan; anba zot lalev, zot annan venen serpan.

Psonm 50:19

Ou labous i koz zis dimal, ou lalang i koz mansonz.

Psonm 52:3

Ou prefer dimal plito ki dibyen, mansonz plito ki laverite.

Psonm 64:3

Zot fit zot lalang parey en lepe. Zot parol i anmer. Zot blese parey en dart anpwazonnen

Psonm 7:14

Gete! I dan douler lanfantman pour mesanste; i ansent avek lenzistis e i donn nesans mansonz.

Proverb 12:5

Dimoun onnet i mazin fer sa ki drwat; malfeter i mazin zis tronpe.

Proverb 4:16

Bann malfeter pa pou dormi, si zot pa'n fer sa ki mal. Zot perdi sonmey, si zot pa fer personn tonbe.

Ezai 5:18

Maler! Zot ki'n ganny anpaye dan zot krim; ki trenn zot pese deryer zot parey zot trenn en saret.

Ezai 57:10

Zot in fatige afors marse, me zot pa dir: Mon'n ganny ase! Zot lanvi in repran zot; alor, zot pa'n santi lafatig.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 51:58

Lennmi pou kraz miray epe ki protez Babilonn. Son bann gran laport pou ganny detri par dife. Zefor bann nasyon pa servi dan nanryen. Tou zot travay i fini dan dife, SENYER liniver i deklare.

Zeremi 51:64

Ou ava dir: Konmsa ki Babilonn pou koule. I pou koule e i pa pou zanmen leve ankor, akoz bann pinisyon ki mon pe fer vin lo li. Bann parol Zeremi i fini la.

Zeremi 7:28

Ou ava dir zot: Zot menm sa pep ki pa obei mwan, SENYER zot Bondye; sa pep ki pa oule aksepte lenstriksyon. Laverite in mor; personn nepli nonm sa mo.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Zeremi 9:8

Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Ezekyel 24:12

Mon'n fatig mwan pour nanryen; dife pa'n fer sa gro larouy nanryen.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Mise 6:3

Mon pep! Ki mon'n fer ou? Ki mon'n fer pour fatig ou? Reponn mwan!

Habakouk 2:13

Bann pep i fatig zot pour dife; bann popilasyon i rente pour nanryen. Tousala, pa i sorti kot SENYER liniver?

Malasi 2:10

Nou tou, pa nou annan en sel papa, en sel Bondye ki'n kree nou? Alor, akoz nou tronp kanmarad e kas lalyans ki Bondye in fer avek nou bann zanset?

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

1 Timote 4:2

Zot pou les zot ganny tronpe par lipokrizi bann manter; zot konsyans i'n ganny marke avek en fer rouz.

Ziz 2:10

Sa zenerasyon antye ti mor; en lot zenerasyon ki pa ti'n konn SENYER, ni mervey ki i ti'n akonpli pour pep Izrael, ti leve.