Zeremi 9:24 - Labib An Kreol Seselwa

²⁴ Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Zeremi 9:24 ပူးပေါင်းရင်းမြစ်များ

Psonm 20:7

Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Psonm 34:2

Mon met mon lafyerte dan SENYER. Bann pov ava antann e zot ava dan lazwa!

Psonm 34:3

Vin proklanm avek mwan grander SENYER! Ansanm, annou sant son non!

Psonm 44:8

Tou le zour, nou sant louanz pour Bondye e loue son non pour touzour.

Psonm 44:9

Me ou'n rezet nou; ou'n les nou ganny imilye. Ou nepli akonpanny nou larme dan konba.

Psonm 51:1

Mon Bondye! Dan ou gran fidelite, pran pitye pour mwan. Dan ou gran konpasyon, efas mon pese!

Psonm 91:14

Mon pou delivre sa enn ki kontan mwan. Mon pou protez sa enn ki konn mon non.

Psonm 99:4

Lafors en lerwa i dan lanmour ki i annan pour lazistis. Ou'n etabli ladrwatir, ou'n etabli lazistis. Ou'n etabli ladrwatir ek lazistis dan Izrael.

Ezai 20:5

Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Zeremi 22:16

I ti defann drwa bann pov ek bann malere, e tou keksoz ti mars byen. Sa enn ki azir dan sa fason, i montre ki i kontan mwan, SENYER.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Levanzil dapre Lik 10:22

Mon Papa in donn mwan tou pouvwar. Personn pa konnen ki son Garson i ete, eksepte son Papa, e personn pa konn mon Papa, eksepte son Garson ek bann ki son Garson in swazir pour revel li.”

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

1 Korentyen 1:31

Donk, parey Lekritir i deklare: Sa enn ki oule vant son lekor, met son lafyerte dan Senyer.

2 Korentyen 10:17

Sepandan, Lekritir i deklare: Sa enn ki oule vant son lekor, fer li dan Senyer.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Galat 6:14

Kanta mwan, mon oule vant mon lekor zis dan lakrwa nou Senyer Zezi-Kri. Annefe, gras a lakrwa ki lemonn in ganny krisifye pour mwan, e mwan pour lemonn.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.