Zeremi 9:23 - Labib An Kreol Seselwa

²³ La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Zeremi 9:23 ပူးပေါင်းရင်းမြစ်များ

Liv Zob 32:13

Alor, pa dir: Nou'n dekouver lasazes. Bondye ki kapab reponn en zonm, pa en imen.

Liv Zob 41:15

Son ledo i kouver avek plizyer ranze boukliye ki sele avek kanmarad.

Psonm 33:5

SENYER i kontan lazistis ek ladrwatir. Fidelite SENYER i ranpli later.

Psonm 34:3

Vin proklanm avek mwan grander SENYER! Ansanm, annou sant son non!

Psonm 44:9

Me ou'n rezet nou; ou'n les nou ganny imilye. Ou nepli akonpanny nou larme dan konba.

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Proverb 11:4

Larises pa servi dan nanryen zour lakoler i leve; me lazistis i delivre dan lanmor.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Proverb 3:5

Met ou konfyans dan SENYER avek tou ou leker; pa kont lo ou prop rezonnman.

Eklezyas 2:19

Ki swa en zonm saz oubyen en zonm fou, i pou annan pouvwar lo tou travay ki mon'n fer avek lasazes; tousala i zis vanite.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Ezai 10:8

Annefe, i dir: Eski tou mon bann sef pa vo bann lerwa?

Ezai 20:5

Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Ezai 5:21

Maler lo sa bann ki krwar zot saz, ki krwar zot entelizan!

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?

Zeremi 48:7

Moab! Akoz ou ti met ou konfyans dan ou prop lafors e dan ou larises, ou osi, ou pou pri. Kemos pou al annegzil avek son bann pret ek son bann sef.

Zeremi 49:4

Ou pep enfidel! Ou vant larises ki dan ou vale. Ou met ou konfyans dan ou larises e ou dir ki personn pa pou kapab atak ou.

Ezekyel 29:9

Lezip pou vin en pei devaste, en dezer. A lor, zot ava konnen ki mwan menm SENYER. Akoz ou pe dir: Larivyer Nil i pour mwan, mwan ki'n fer li.

Ezekyel 7:19

Zot pou zet zot larzan dan lari e zot lor pa pou annan plis valer ki salte, akoz ni zot larzan, ni zot lor pa pou kapab sov zot, zour SENYER ava montre son lakoler. Zot pou napa ase manze pour satisfer zot lapeti, zot vant pou reste vid. Zot lor ek zot larzan ki'n fer zot tonm dan pese.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Mark 10:24

Bann disip ti etonnen par sa bann parol. Me Zezi ti dir zot ankor, “Mon bann zanfan! Koman i vreman difisil pour antre dan Rwayonm Bondye!

Romen 1:22

Zot pretann ki zot savan, me zot in vin plito fou.

1 Korentyen 1:31

Donk, parey Lekritir i deklare: Sa enn ki oule vant son lekor, met son lafyerte dan Senyer.

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

Filipyen 3:10

Annefe, tou sa ki mon dezire, se konn Kris ek pwisans son rezireksyon; partisip dan son bann soufrans, pour vin parey li dan son lanmor,

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Samyel 17:42

Sa Filisten ti get David avek mepri, akoz pour li, David ti zis en zoli garson avek en ten kler.