Zeremi 9:22 - Labib An Kreol Seselwa

²² La sa ki SENYER i deklare: Bann kadav in fannen partou, parey ta fimyen dan en plantasyon. Zot parey bann zepi ki'n ganny koupe e ki pa'n ganny rekolte. Napa personn pour ranmase.

Zeremi 9:22 ပူးပေါင်းရင်းမြစ်များ

2 Rwa 20:13

Ezekyas ti byen akey zot. I ti montre zot tou son bann trezor, larzan, lor, bann zepis, bann delwil parfimen, son bann magazen zarm ek tou sa ki ti dan son bann kof. Ezekyas pa ti kasyet nanryen; i ti montre zot tou sa ki ti annan dan son pale e dan son rwayonm.

2 Rwa 20:15

Ezai ti dir, “Ki zot in war dan ou pale?” Ezekyas ti reponn, “Zot in war tou sa ki dan mon pale; napa nanryen ki dan mon bann magazen ki mon pa'n montre zot.”

2 Rwa 9:37

Son lekor pou vin fimyen dan porsyon later dan Zizreel e personn pou nepli kapab dir: Zezabel sa.”

Liv Zob 5:13

Bondye i pran bann saz dan zot prop pyez, e zot bann fo proze pa abouti dan nanryen.

Psonm 49:7

Personn pa kapab reaste lavi, ni pey Bondye en ranson pour li.

Psonm 83:10

Zot ti ganny detri Andor e ganny servi koman fimyen pour angres later.

Proverb 18:11

Fortin sa enn ki ris i en lavil fortifye, e dan son limazinasyon, i en gran miray protekter.

Proverb 23:4

Pa fatig ou pour vin ris; ganny ase lespri pour ou refize.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 25:33

Sa zour, kadav bann ki SENYER in touye pou ganny fannen depi en bout later ziska lot bout. Personn pa pou met dey. Personn pa pou ranmas zot pou al antere. Zot pou tale ater parey bann ta fimyen.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 7:33

Zwazo ek zannimo sovaz ava manz kadav sa pep, akoz pou napa personn pour deranz zot.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Habakouk 1:11

Alor, zot pase parey en gro divan e kontiny zot semen. Sa ki enportan pour zot, se zot lafors. Zot pran lafors pour zot bondye.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.