Zeremi 9:21 - Labib An Kreol Seselwa

²¹ Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Zeremi 9:21 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Ezai 40:30

Menm lazenes pou afebli e fatige e bann zennzan pou zis tonbe.

Zeremi 15:7

Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 44:7

Aprezan, SENYER liniver, Bondye Izrael i demande: Akoz eski zot fer zot menm tou sa kantite ditor? Eski zot oule anmenn destriksyon total lo zonm, fanm, zanfan e pti baba? Eski zot oule ki zot pep i disparet?

Zeremi 50:30

Sa zour la, son bann zennzan pou ganny touye dan lavil, e tou son bann zenn konbatan pou perdi lavi, SENYER i deklare.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 7:33

Zwazo ek zannimo sovaz ava manz kadav sa pep, akoz pou napa personn pour deranz zot.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Zoel 2:9

Zot antre dan bann lavil, grenp lo bann miray; zot antre partou dan bann lakaz; zot antre par lafnet parey voler.

Amos 5:2

Izrael, sa zenn fiy vyerz, in tonbe e personn pa pou lev li! I'n tale ater dan son pei; napa personn pour lev li.

Amos 6:9

Si i reste dis zonm dan en lakaz, tou pou mor.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.