Zeremi 9:2 - Labib An Kreol Seselwa

² Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Zeremi 9:2 ပူးပေါင်းရင်းမြစ်များ

Ezai 59:3

Annefe, zot annan disan lo zot lanmen; zot ledwa i sal avek pese. Zot labous i koz lalang; zot lalang i mirmir lenzistis.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 5:11

Annefe, lepep rwayonm Izrael ek rwayonm Zida in vreman trai mwan, SENYER i deklare.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 5:7

Zot pa'n fidel avek SENYER, akoz zot bann zanfan ilezitim. Aprezan, nouvellin pou devor zot avek zot plantasyon.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Oze 7:4

Zot tou, zot in komet adilter. Zot parey en four ki en boulanze i sofe. Me i aret vey dife depi ki i'n petri lapat, ziska ki son lapat in fini leve.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.

Malasi 2:11

Zida pa'n reste fidel anver Bondye. Zot in komet en akt degoutan dan pei antye e dan Zerizalenm. Zot in mank respe anver sanktyer ki SENYER i kontan. Zot in marye avek bann fanm etranze ki ador lezot bondye.

Malasi 2:14

Zot demande: Akoz ki i nepli aksepte zot lofrann? SENYER i pa aksepte ou lofrann akoz i ti temwen promes fidelite ki ou ti fer avek ou premye fanm, dan ou zenes. Sa fanm ti ou konpanny ki osi ou fanm dapre sa ki ou'n promet.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

Ziz 2:10

Sa zenerasyon antye ti mor; en lot zenerasyon ki pa ti'n konn SENYER, ni mervey ki i ti'n akonpli pour pep Izrael, ti leve.