Zeremi 9:19 - Labib An Kreol Seselwa

¹⁹ Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Zeremi 9:19 ပူးပေါင်းရင်းမြစ်များ

Ezai 32:9

Fanm ki viv en lavi alez! Leve! Ekout mwan! Zot bann zenn fiy ardyese! Ekout mon parol!

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 2:14

Eski pep Izrael i en lesklav? Eski in ne dan lesklavaz? Akoz alor zot pourswiv li?

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 4:20

Dezas pe vin enn deryer lot; pei antye in ganny ravaze. En sel kou, nou bann latant in ganny detri; zot bann rido in desir an morso.

Zeremi 7:15

Mon pou rezet zot lwen avek mwan, parey mon ti fer avek zot frer, bann zabitan Efraim.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Lamantasyon 4:15

Dimoun ti kriye: Sorti la! Enpir! Ale! Sorti! Sorti! Pa tous personn! Ensi, zot ti vin bann egzile e zot ti eran. Dimoun i dir parmi bann nasyon: Zot pou nepli reste parmi nou.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Ezekyel 27:2

Ou ki en imen, sant en kantik dey lo lavil Tir.

Levitik 18:25

Pei osi in vin enpir. Mon'n pini li akoz son bann fot e pei menm ti vomi son bann zabitan.

Levitik 18:28

Konmsa, zot pa ava rann sa pei enpir; e sa pei pa pou vomi zot, parey i ti fer anver bann nasyon ki ti la avan zot.

Levitik 20:22

Zot ava gard tou mon bann lalwa ek tou mon bann regleman e met zot an pratik, pour ki sa pei kot mon pou fer zot antre, pa rezet zot.

Mise 2:10

Leve e ale! Sa later pa en landrwa repo, akoz zot pese i lakoz soufrans ek destriksyon terib.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Deterononm 28:29

Lizour ou pou tate, parey bann aveg dan fernwanr, me ou pa pou kapab trouv ou semen. Dimoun pou kontinyelman eksplwat ou e vol ou; personn pa pou vin ed ou.