Zeremi 9:17 - Labib An Kreol Seselwa

¹⁷ La sa ki SENYER liniver i deklare: Get byen sa ki pe pase. Fer vin bann fanm ki abitye plere e lamante; swazir bann ki pli bon.

Zeremi 9:17 ပူးပေါင်းရင်းမြစ်များ

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

Liv Zob 3:8

Sa zour ava ganny modi par bann ki modi lizour e ki kapab fer leve dragon Leviatan.

Eklezyas 12:5

En pti monte i fer per, ou per marse lo semen; seve in vin blan parey en pye dibwa an fler; ou pou bezwen trennen parey en sotrel ki'n tonbe; tou gou lavi in disparet. Tou et imen i al ver son demer final. Deza laprosesyon lanterman pe defile lo semen.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Lamantasyon 2:5

SENYER in azir parey en lennmi. I'n detri Izrael, i'n detri son bann pale. I'n kraz son bann miray proteksyon. I'n ogmant latristes ek maler partou dan Zida.

Ezekyel 27:2

Ou ki en imen, sant en kantik dey lo lavil Tir.

Ezekyel 32:16

Sa i en lamantasyon ki zot ava sante; bann fanm dan tou nasyon pou sant lo Lezip e lo son gran popilasyon. Senyer BONDYE ki deklare.

Amos 5:1

Ekout sa parol, sa kantik dey ki mon pe sant lo ou, Izrael:

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Matye 9:23

Zezi ti ariv dan lakour sa sef. Kan i ti war bann zwer laflit pare pour lanterman, ek lafoul ki ti pe azite,

Mark 5:38

Kan zot ti ariv kot sa sef sinagog, Zezi ti war en gran lazitasyon. Ti annan en bann dimoun ki ti pe plere e kriye.