Zeremi 9:14 - Labib An Kreol Seselwa

¹⁴ Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Zeremi 9:14 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Liv Zob 9:18

I pa donn mwan letan respire, me i ranpli mwan avek lanmertim.

Zeremi 11:8

Me zot pa'n ekoute, zot pa'n obei. Zot in persiste dan zot move mannyer. Alor, mon'n bezwen met an laplikasyon tou bann lartik sa lalyans ki zot pa'n respekte, malgre lord ki mon ti'n donn zot.

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 23:15

Alor, la sa ki SENYER liniver i deklare konsernan sa bann profet: Mon pou fer zot manz margoz anmer e bwar delo anpwazonnen. Akoz sa bann profet Zerizalenm, ki pei antye in ganny profannen.

Zeremi 23:27

Par sa bann rev ki zot rakont kanmarad, zot oule fer mon pep oubliy mon non, parey zot bann zanset ti oubliy mon non pour al ador Baal.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Lamantasyon 3:15

I'n ranpli mwan avek zerb anmer; i'n donn mwan labsent pour bwar.

Amos 2:4

La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.

Galat 1:14

Mon ti progres pli vit dan larelizyon Zwif ki bokou dan mon laz. Mon ti annan bokou plis devouman pour bann tradisyon mon bann zanset, ki lezot Zwif.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

1 Pyer 1:18

Annefe, zot konnen par ki pri, zot in ganny sove dan zot mannyer viv initil ki zot in erite avek zot zanset. Sa pa ti fer atraver bann lobze ki perdi valer tel ki larzan oubyen lor,