Zeremi 9:11 - Labib An Kreol Seselwa

¹¹ Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Zeremi 9:11 ပူးပေါင်းရင်းမြစ်များ

Nehemi 4:2

I ti dir devan son bann frer e dan prezans larme Samari, “Ki sa bann Zwif bonnaryen pe fer la? Eski zot pou reisi repar zot lavil pour ofer sakrifis ladan? Eski zot pou fini en zour? Eski zot pou kapab fer reviv bann ros e fer zot sorti dan sa ta debri ki'n ganny brile par dife?”

Psonm 107:43

Bann ki saz! Pran kont lo tousala e konpran ki SENYER i fidel.

Psonm 44:19

Me ou'n kraz nou dan dezer parmi bann sakal. Ou'n kouver nou anba en gro lonbraz lanmor.

Psonm 79:1

Mon Bondye! Bann etranze in anvai ou pei. Zot in profann ou tanp sen. Zot in fer Zerizalenm vin en ta ros.

Ezai 13:22

Ou pou antann irlman bann yenn dan bann tour, bann sakal dan bann pale. Sa letan i pros, i pe vini, son bann zour in fini, son lafen pa lwen.

Ezai 25:2

Ou fer lavil vin en ta debri. Son bann fortifikasyon i anrin. Pale bann lennmi nepli; i pa pou zanmen ganny rekonstri.

Ezai 34:13

Brousay pikan pou pous dan son bann pale; move zerb ek lalyann lo son bann miray. Lisyen maron pou vin reste la. Bann lotris ava ganny en labri.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Zeremi 1:15

Annefe, mon pe apel tou bann tribi ki reste dan Nor. Tou bann lerwa pou vini; sakenn ava plas son lotorite devan bann laport Zerizalenm. Zot ava anserkle son bann miray e miray tou lezot lavil ki dan rwayonm Zida.

Zeremi 10:22

Ekout sa nouvel: En gran boulversman pe vini sorti dan Nor; i pou transform bann lavil Zida e fer zot vin parey en dezer kot zis zannimo sovaz ki pou reste.

Zeremi 16:10

Kan ou pou dir sa pep tousala, zot pou demann ou akoz SENYER nou Bondye in deside anvoy tou sa bann gran maler lo nou. Ki krim nou'n komet? Ki pese nou'n fer.

Zeremi 25:11

Tou sa pei pou vin en larin, en landrwa devaste. Tou sa bann nasyon pou anba dominasyon lerwa Naboukodonozor pandan 70 an.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 26:9

Akfer ou profetize lo non SENYER, konmkwa sa tanp pou fini parey sa enn Silo e ki Zerizalenm pou ganny detri e pa pou reste okenn zabitan? Tou dimoun ti rasanble otour Zeremi dan tanp SENYER.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 4:27

La sa ki SENYER in deklare: Pei antye in ganny devaste; me mon pa pou detri li konpletman.

Zeremi 44:2

La sa ki SENYER liniver, Bondye Izrael i deklare: Zot menm, zot temwen tou sa bann maler ki mon'n anvoy lo Zerizalenm e lo lezot lavil dan Zida ki ozordi ankor, zot anrin e napa okenn zabitan.

Zeremi 49:33

Hazor pour vin en dezer pou touzour, en plas kot zis bann sakal ki pou vin reste. Personn pa pour vin reste isi ankor, SENYER i deklare.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Lamantasyon 1:4

Semen ki anmenn Siyon i an dey, personn pa pas par la pour al dan bann lafet. Dimoun nepli pas par son bann laport. Son bann pret i plennyen. Son bann zenn fiy zot dan lapenn. Siyon i dan lanmertim.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Lamantasyon 3:47

Lafreyer ek pyez in tonm lo nou. Tou in ganny devaste, tou in ganny detri.

Levitik 26:32

Mon pou devaste pei. Zot bann lennmi ki ava vin reste la, ava etonnen.

Mise 1:6

Alor, mon pou fer laplenn Samari vin en ta debri, kot i bon zis pour plant rezen. Mon pou fer deboule son bann ros dan vale. Tou son fondasyon pou paret.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.