Zeremi 8:6 - Labib An Kreol Seselwa

⁶ Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Zeremi 8:6 ပူးပေါင်းရင်းမြစ်များ

Liv Zob 10:2

Mon pou dir Bondye: Pa kondann mwan. Fer mwan konnen ki repros ou annan kont mwan.

Liv Zob 34:31

Me si en dimoun i dir avek Bondye: Mon'n siport lapenn mon pese, mon pa pou rekonmanse.

Liv Zob 34:32

Montre mwan sa ki mon pa ankor war. Si mon'n komet lenzistis, mon pa pou fer ankor.

Psonm 14:2

Lao dan lesyel, SENYER i get zabitan later pour li war si i annan dimoun ki konpran e ki vin rod Bondye.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Zeremi 23:25

Mon'n tande sa ki bann profet pe dir. Zot pretann ki zot koz dan mon non. Zot dir: Mon'n ganny en vizyon! Mon'n ganny en vizyon! Me sa pa vre.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Ezekyel 18:28

Akoz i'n rann kont e i'n deside abandonn son move lavi, sirman i ava viv, i pa pou mor.

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Sofoni 3:7

Mon ti dir: Sirman ki lavil ava annan respe pour mwan, ki i ava aksepte ganny korize, e ki mon pa ti ava bezwen egzekit mon bann menas kont li. Me zot ti depese pour azir pli mal ankor.

Agze 1:5

Alor, la sa ki mwan, SENYER liniver, mon demann zot: Reflesi lo zot sityasyon.

Agze 1:7

La sa ki SENYER liniver i deklare: Reflesi lo sa ki zot pe fer.

Malasi 3:16

Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.