Zeremi 8:2 - Labib An Kreol Seselwa

² Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Zeremi 8:2 ပူးပေါင်းရင်းမြစ်များ

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Rwa 21:3

I ti rekonstri bann landrwa sakre ki Ezekyas son papa ti'n detri, e etabli bann lotel pour Baal; i ti osi fer en poto sakre, parey Akab, lerwa Izrael, ti fer; i ti ador tou bann zetwal dan lesyel e servi zot.

2 Rwa 21:5

I ti konstri bann lotel pour tou bann zetwal dan lesyel dan tou le de lakour tanp SENYER.

2 Rwa 23:5

I ti sas bann pret ki bann lerwa Zida ti'n etabli pour ofer lansan dan bann landrwa sakre, dan tou bann lavil Zida e otour Zerizalenm. I ti osi debaras li avek tou bann pret ki ti bril lansan devan Baal, soley, lalin, tou bann konstelasyon, e tou bann zetwal dan lesyel.

Psonm 53:5

Alor, zot pou tranble avek lafreyer, san okenn rezon, akoz Bondye ava fann lezo son bann lennmi partou. Zot ava ganny imilye, akoz Bondye in rezet zot.

Psonm 83:10

Zot ti ganny detri Andor e ganny servi koman fimyen pour angres later.

Psonm 83:11

Tret zot bann sef parey Horeb ek Zeeb; tou zot bann dirizan parey Zeba ek Zalmouna

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 22:19

I ava ganny antere parey en bourik. Son lekor ava ganny trennen an deor bann laport Zerizalenm.

Zeremi 25:33

Sa zour, kadav bann ki SENYER in touye pou ganny fannen depi en bout later ziska lot bout. Personn pa pou met dey. Personn pa pou ranmas zot pou al antere. Zot pou tale ater parey bann ta fimyen.

Zeremi 31:40

Sa vale antye kot bann dimoun mor i ganny antere e kot salte i ganny zete, tou bann propriyete ki sitye par lao pti larivyer Sedron ziska laport Seval ver Les, pour ganny konsakre pour SENYER. Nanryen pa pou ganny arase oubyen detri dan sa lavil.

Zeremi 36:30

Pour sa rezon, la sa ki SENYER i deklare konsernan Yoyakim, lerwa Zida: I pa pou annan okenn desandan ki pour renny lo rwayonm David. Son kadav pou ganny zete deor kot i ava ganny ekspoze avek lasaler lizour ek lafreser lannwit.

Zeremi 9:20

Mon ti dir: Zot bann fanm! Ekout sa ki SENYER i deklare: Ouver zot zorey pour resevwar parol ki sorti dan son labous. Aprann sa kantik avek zot bann fiy sa lamantasyon avek kanmarad.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Zeremi 9:22

La sa ki SENYER i deklare: Bann kadav in fannen partou, parey ta fimyen dan en plantasyon. Zot parey bann zepi ki'n ganny koupe e ki pa'n ganny rekolte. Napa personn pour ranmase.

Ezekyel 29:5

Mon pou zet ou dan dezer, ou, avek tou ou bann pwason ki dan larivyer Nil. Ou pou reste la ater dan laplenn. Personn pa pou ranmas ou; personn pa pou anter ou. Mon pou fer ou ganny manze par bann zannimo lo later ek zwazo dan ler.

Ezekyel 39:5

Zot pou mor dan lakanpanny parey mon'n anonse. Mwan Senyer BONDYE ki'n deklare.

Ezekyel 6:5

Mon pou tal kadav bann Izraelit devan zot bann zidol e mon pou fann zot bann lezo partou otour zot bann lotel.

Ezekyel 8:16

I ti anmenn mwan dan lakour enteryer kot lantre tanp SENYER ant vestibil ek lotel kot ti annan apepre 25 zonm. Zot ledo ti tourn avek tanp e zot figir ver Les, zot ti prosternen devan soley.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Deterononm 17:3

e al servi e ador lezot bondye, tel ki soley, lalin, bann zetwal, oubyen okenn lobze dan lesyel, e ki mon'n defann zot fer,

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.