Zeremi 8:13 - Labib An Kreol Seselwa

¹³ Mon'n deside fini avek zot tou: Nepli annan rezen dan plantasyon; lo pye fig napa okenn fri; son bann fey in fletri. Alor, mon pou les bann etranze pran sa ki mon'n donn zot. SENYER ki deklare.

Zeremi 8:13 ပူးပေါင်းရင်းမြစ်များ

Ezai 5:10

Dis arpan plantasyon rezen pou donn apenn 50 lit diven. Avek 100 kilo semans dible, zot pou rekolte zis 10 kilo.

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 14:15

Pour sa rezon, la sa ki SENYER i deklare: Konsernan bann profet ki mon pa'n anvoye, me ki pe koz an mon non e ki dir ki pou napa ni lager ni lafanmin, mon pou detri zot par lager e par lafanmin.

Zeremi 17:8

I parey en pye dibwa plante obor delo. Son rasin i desann ver larivyer. I pa per kan letan lasaler i vini, son fey i reste touzour ver. En lannen lasesres pa trakas li; i kontinyen donn fri.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Oze 2:12

Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Zoel 1:7

Zot in devaste mon plantasyon rezen; mon pye fig in ganny manze. Zot in ronz son lekors, son bann brans in vin blan.

Levitik 26:20

Zot ava trimouse, me anven. Zot later pa pou donn okenn rekolt e bann pye dibwa pa pou prodwir okenn fri.

Habakouk 3:17

Pye fig nepli fleri; plantasyon rezen nepli donn rezen; pye zoliv nepli donn zoliv; bann plantasyon dible nepli donn dekwa manze.

Agze 1:11

Mon'n fer vin lasesres dan pei: Lo bann kolin, dan bann plantasyon dible ek plantasyon rezen, dan plantasyon zoliv. Nanryen pa pou ganny prodwir, ni dimoun, ni zannimo, ni later.

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.

Malasi 3:11

Mon pou sas bann sotrel pour zot, pour ki zot rekolt pa ganny detri. Zot plantasyon rezen ava donn en bon rekolt, SENYER liniver ki deklare.

Matye 21:19

I ti war en pye fig obor semen. Kan i ti al gete, i ti war zis fey. I ti dir avek sa pye fig, “Ou pa pou zanmen raport fri ankor!” Deswit sa pye fig ti sek.

Let Zak 1:11

Soley i leve, son gro lasaler i bril sa plant; sa fler i tonbe e son labote i disparet. Demenm, en ris pou disparet dan milye son bann zafer.