Zeremi 8:12 - Labib An Kreol Seselwa

¹² Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Zeremi 8:12 ပူးပေါင်းရင်းမြစ်များ

Zenez 19:34

Son lannmen, premye fiy ti dir avek sa ki pli zenn, “Yer swar mon ti dormi avek nou papa. Annou donn li diven ankor tanto. Apre, ou ava al dormi avek li. Konmsa, nou ava ganny en desandans atraver nou papa.”

Psonm 52:1

Ou ki pratik mansonz, ou lalang i fer konplo pour detri, parey en razwar byen fite.

Psonm 52:7

Get li sa zonm ki pa'n pran Bondye pour protekter, me ki'n fye lo son gran larises e ki'n depann lo son bann krim!

Ezai 24:2

Sa pou arive avek tou: Pret koman laik; met koman lesklav; bourzwa koman serviter; vander koman aster; sa ki prete koman preter; sa enn ki andete koman sa enn ki donn kredi.

Ezai 3:9

Zot move aksyon i en temwen kont li. Zot montre zot pese parey Sodonm. Maler! Zot loter zot prop maler.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Zeremi 14:15

Pour sa rezon, la sa ki SENYER i deklare: Konsernan bann profet ki mon pa'n anvoye, me ki pe koz an mon non e ki dir ki pou napa ni lager ni lafanmin, mon pou detri zot par lager e par lafanmin.

Zeremi 23:12

Pour sa rezon, mon pou fer zot glise dan semen. Zot pou bat ek kanmarad dan fernwanr e zot pou tonbe. Mon pe anmenn maler lo zot; letan zot pinisyon in arive, SENYER i deklare.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 44:10

Ziska prezan, personn pa'n eksprim okenn regre, ni lafreyer; personn pa'n swiv mon bann lalwa ek mon bann direktiv ki mon ti donn zot ek zot bann zanset.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Ezekyel 23:18

I ti'n tonm dan prostitisyon, tir li touni an piblik; mon ti kit li avek degou, parey mon ti kit son ser.

Oze 5:9

Zour SENYER i pini Efraim, i pou vin zis en dezer. Sa ki mon pe anons Izrael i en fe serten.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.