Zeremi 8:10 - Labib An Kreol Seselwa

¹⁰ Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Zeremi 8:10 ပူးပေါင်းရင်းမြစ်များ

Liv Zob 31:10

alor, mon prop fanm ava kraz dible pour en lot zonm, e lezot zonm ava dormi avek li.

Ezai 28:7

Bann pret ek bann profet osi in egare; soule avek diven; labwason for i fer zot drive; zot lespri in noye dan diven; zot perdi lekilib avek bann labwason for; zot pa war kler; zot rabase ler zot rann zizman.

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 17:11

Sa enn ki vin ris dan fason malonnet, i parey en poul ki kouv dizef kannar: Dan milye son lavi, son fortin pou kit li, e alafen, i fini parey en fou.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 32:32

Mon pou detri sa lavil, akoz tou sa bann move keksoz ki pep Zida e pep Zerizalenm in komet avek zot bann lerwa, zot bann sef, zot bann pret e zot bann profet.

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 42:1

Apre sa, tou bann sef, Yohanann, garson Karea e Azarya, garson Osaya ek tou lepep, depi pli pti ziska pli gran, ti al

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 3:5

La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.

Habakouk 1:6

Mon pe anvoy bann Babilonyen, sa nasyon vyolan, san pitye, ki travers partou dan bann pei, pour pran posesyon bann landrwa ki pa pour zot.

Sofoni 1:13

Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.