Zeremi 8:1 - Labib An Kreol Seselwa

¹ SENYER i deklare: Dan sa letan, lezo bann lerwa, bann sef dan Zida, pret, profet e lezot zabitan Zerizalenm pou ganny detere.

Zeremi 8:1 ပူးပေါင်းရင်းမြစ်များ

1 Rwa 13:2

Sa zonm ti kriy kont lotel par lord SENYER. I ti dir: Lotel! Lotel! La sa ki SENYER i deklare: En garson pou ne dan fanmir David; i pou apel Zozyas. I pou ofer koman sakrifis lo lotel, bann pret, ki servi dan landrwa sakre, ki bril lansan. Menm lezo bann et imen pou ganny brile lo ou.

2 Rwa 23:16

Kan Zozyas ti get otour li, i ti war bann latonm lo montanny. I ti fer retir bann lezo ki ti dan bann latonm e bril zot lo lotel e rann li enpir, dapre parol SENYER ki ti'n predir par lentermedyer son profet.

2 Rwa 23:20

I ti ofer lo bann lotel tou bann pret dan bann landrwa sakre ki ti prezan, e bril bann lezo imen. Apre, i ti retourn Zerizalenm.

2 Rwa 9:37

Son lekor pou vin fimyen dan porsyon later dan Zizreel e personn pou nepli kapab dir: Zezabel sa.”

Psonm 53:5

Alor, zot pou tranble avek lafreyer, san okenn rezon, akoz Bondye ava fann lezo son bann lennmi partou. Zot ava ganny imilye, akoz Bondye in rezet zot.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Ezekyel 37:1

SENYER ti sezi mwan; lespri SENYER ti anmenn mwan e depoz mwan dan milye en vale ki ti ranpli avek lezo.

Ezekyel 6:4

Ou bann lotel pou ganny detri, bann brazye lansan ranverse e mon pou zet ou bann viktim ater devan bann zidol.

Ezekyel 6:5

Mon pou tal kadav bann Izraelit devan zot bann zidol e mon pou fann zot bann lezo partou otour zot bann lotel.

Amos 2:1

La sa ki SENYER i deklare: Akoz sa kantite krim zabitan Moab, mon pa pour sanz mon desizyon: Akoz zot in bril bann lezo lerwa Edonm, ziska lasann,