Zeremi 7:6 - Labib An Kreol Seselwa

⁶ Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zeremi 7:6 ပူးပေါင်းရင်းမြစ်များ

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Proverb 23:10

Pa deplas bann vye taso balizaz; pa antre dan propriyete en orfelen,

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 2:34

Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 26:15

Me en keksoz i sir: Si zot touy mwan, zot, ansanm avek lepep, zot pou responsab lanmor en zonm inosan, akoz SENYER in vreman anvoy mwan pour dir zot sa bann parol.”

Zeremi 26:23

Zot ti atrap Ouri e anmenn li kot lerwa Zoyakim ki ti touy li par en kou lepe, e zet son kadav dan en simityer piblik.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Zeremi 7:5

Plito, sanz zot mannyer viv ek zot fason fer. Tret byen zot kanmarad.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Ezekyel 18:6

ki pa manz sa ki'n ganny ofer devan bann zidol lo montanny, ni ador bann zidol Izrael, i pa sali repitasyon fanm son prosen, ni annan relasyon seksyel avek en fanm pandan son reg.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Levitik 19:33

Pa eksplwat en etranze ki vin reste dan ou pei.

Levitik 25:17

Zot pa pou tronp kanmarad. Zot ava montre respe pour zot Bondye. Mwan menm SENYER zot Bondye.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 27:25

Lafoul antye ti reponn, “Nou demande ki son disan i tonm lo nou e lo nou bann zanfan!”

Matye 27:4

I ti dir zot, “Mon'n fer pese, akoz mon'n livre disan en inosan!” Zot ti dir li, “Sa pa konsern nou. Sa i ou zafer!”

Deterononm 11:28

malediksyon si zot dezobei bann komannman SENYER, zot Bondye e pa swiv semen ki mon pe donn zot ozordi, e al swiv lezot bondye ki zot pa'n konnen.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.