Zeremi 7:32 - Labib An Kreol Seselwa

³² La sa ki SENYER i deklare: Sa zour pe vini, kan sa landrwa pou nepli apel Tofet oubyen vale Benn-Hinonm, me vale Masak. La kot zot pou anter dimoun, akoz pou nepli annan en lot landrwa pour antere.

Zeremi 7:32 ပူးပေါင်းရင်းမြစ်များ

2 Rwa 23:10

Lerwa ti rann enpir Tofet ki dan laplenn bann garson Hinonm, pour ki personn pa ofer ankor ni son garson, ni son fiy, an sakrifis dan dife pour Molek.

Zeremi 19:11

Ou ava dir zot: La sa ki SENYER liniver i deklare: Mon pou kas sa pep ek sa lavil parey ou kas en gargoulet ki pa pou zanmen kapab ganny repare. Dimoun pou anter zot kadav menm dan Tofet, akoz pa pou annan okenn landrwa pour anter zot.

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 19:2

Sorti e al dan kote vale Ben Hinonm ki dan lantre laport bann Po kase. La, ou ava kriy mesaz ki mon pou donn ou.

Zeremi 19:6

Akoz zot in fer tousala, letan pe vini kan sa plas pou nepli ganny apele Tofet oubyen Vale Ben Hinonm, me Vale Masak.

Zeremi 31:40

Sa vale antye kot bann dimoun mor i ganny antere e kot salte i ganny zete, tou bann propriyete ki sitye par lao pti larivyer Sedron ziska laport Seval ver Les, pour ganny konsakre pour SENYER. Nanryen pa pou ganny arase oubyen detri dan sa lavil.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Ezekyel 6:4

Ou bann lotel pou ganny detri, bann brazye lansan ranverse e mon pou zet ou bann viktim ater devan bann zidol.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.