Zeremi 7:30 - Labib An Kreol Seselwa

³⁰ Annefe, SENYER i deklare, pep Zida in fer sa ki depler mwan: Zot in plas zot bann stati degoutan ki mon deteste dan tanp ki'n ganny konsakre pour mwan, e zot in rann li enpir.

Zeremi 7:30 ပူးပေါင်းရင်းမြစ်များ

2 Rwa 21:3

I ti rekonstri bann landrwa sakre ki Ezekyas son papa ti'n detri, e etabli bann lotel pour Baal; i ti osi fer en poto sakre, parey Akab, lerwa Izrael, ti fer; i ti ador tou bann zetwal dan lesyel e servi zot.

2 Rwa 21:4

I ti konstri bann lotel dan tanp SENYER, lo ki SENYER ti'n dir: Dan Zerizalenm mon pou plas mon non.

2 Rwa 21:7

I ti fabrik en stati Asera ki i ti plas dan tanp SENYER. Lo sa tanp, SENYER ti'n dir avek David ek son garson Salomon: Dan sa lakaz e dan Zerizalenm, ki mon'n swazir parmi tou bann tribi Izrael, ki mon pou plas mon non pour touzour.

2 Rwa 23:12

Lerwa ti detri tou bann lotel Akaz ki ti dan letaz, lo twa lakaz ki bann lerwa Zida ti'n fer, ensi ki bann lotel ki Manase ti'n konstri dan de lakour tanp SENYER. I ti kraz zot an morso e fann lapousyer dan vale Sedron.

2 Kronik 33:15

I ti retir tou bann bondye etranze ek bann stati ki i ti'n plas dan tanp SENYER, avek tou bann lotel ki i ti'n etabli lo montanny tanp, dan Zerizalenm e zet tousala an deor lavil.

2 Kronik 33:3

I ti rekonstri bann landrwa sakre ki son papa Ezekyas ti'n detri e retabli bann lotel pour ladorasyon bann Baal. I ti remet an plas bann poto Asera e ador bann zetwal dan lesyel.

2 Kronik 33:7

I ti plas en stati ki i ti'n fer dan tanp Bondye. Pourtan Bondye ti'n dir avek David ek son garson, Salomon: Isi, dan sa tanp, dan Zerizalenm ki mon'n swazir parmi tou bann tribi Izrael, ki mon pou gard mon prezans pour touzour.

Ezai 66:4

Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 23:11

Ni bann profet, ni bann pret pa montre respe pour mwan. Mon'n war tou sa bann move aksyon ki zot komet menm dan tanp, SENYER i deklare.

Zeremi 32:34

Zot in plas zot bann stati degoutan dan mon tanp ki'n ganny konsakre pour mwan e zot in rann li enpir.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Ezekyel 7:20

Zot ti fer vantar akoz zot labote ek zot larises; zot in servi pour fer zot bann stati degoutan ek lezot lobze degoutan. Alor, mwan SENYER, mon'n fer zot larises vin degoutan pour zot.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.