Zeremi 7:25 - Labib An Kreol Seselwa

²⁵ Depi zour ki mon ti fer zot bann zanset sorti Lezip, mon'n touzour anvoy bann profet, mon bann serviter, kot zot.

Zeremi 7:25 ပူးပေါင်းရင်းမြစ်များ

2 Kronik 24:19

SENYER ti anvoy son bann profet parmi zot, pour averti zot pour retourn kot li. Me zot pa ti ekoute.

2 Kronik 36:15

SENYER, Bondye zot zanset, ti konstaman anvoy son bann mesaze kot zot, akoz i ti pran pitye pour zot e pour son tanp kot i reste.

Esdras 9:7

Depi lepok nou bann zanset ziska ozordi, nou koupab e nou'n komet en gran fot. Akoz nou bann fot ki nou bann lerwa, nou bann pret, nou'n sibir dominasyon bann lerwa etranze, lager, deportasyon, piyaz, ek imilyasyon; rezon akoz nou konmsa ozordi.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Nehemi 9:30

Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?

Zeremi 11:7

Annefe, depi letan mon ti fer zot zanset sorti dan pei Lezip e ziska ozordi, mon pa'n zanmen arete demann zot pou obei mon lavwa.

Zeremi 25:3

Pandan 23 an, depi trezyenm lannen ki Zozyas, garson Amonn ti lerwa Zida ziska ozordi, SENYER in koz avek mwan, e mon'n touzour transmet zot son mesaz. Me zot pa'n oule ekoute.

Zeremi 25:4

SENYER pa'n zanmen arete anvoy zot son bann serviter, bann profet. Me zot pa'n oule ekoute, ni port atansyon.

Zeremi 29:19

Tousala pou arive, SENYER ki deklare akoz zot pa'n ekout bann parol ki mon'n kontinyen anvoy kot zot par lentermedyer mon bann serviter, bann profet. Me zot ti refize ekoute, SENYER ki deklare.

Zeremi 35:14

Bann desandan Yonadab, garson Rekab, in obei lord ki zot papa ti donn zot: Zot pa pou zanmen bwar diven. Mwan, mon pa'n zanmen aret koz avek zot; me zot pa'n ekout mwan.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Ezekyel 2:3

I ti dir mwan: Ou ki en imen, mon pe anvoy ou kot bann Izraelit, ver bann rebel ki'n revolte kont mwan; zot ek zot bann zanset in revolte ziska ozordi.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Oze 12:10

Mon ti koz avek bann profet; mwan ki miltipliy zot bann vizyon, e atraver bann profet, mon pou anmenn destriksyon.

Amos 2:11

Mon ti apel serten parmi zot bann zanfan pour vin profet. Parmi zot bann zennzan, mon ti apel serten pour konsakre zot pour mwan, par en ve.

Malasi 3:7

Depi lepok zot bann zanset, zot in abandonn mon bann regleman ki zot pa'n met an pratik. Retourn kot mwan e mon ava retourn kot zot, SENYER liniver ki deklare. Me zot demande: Ki mannyer nou pou retournen?

Levanzil dapre Lik 11:49

Pour sa rezon ki Lasazes Bondye ti dir: Mon pou anvoy zot bann profet ek bann zapot. Zot pou touy en bann e persekit lezot.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.